NG'ANG'UTYET 8:3 - BUKUIT NE TILIIL Sireet ne Dutero Kanon Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet. Bukuit Ne Tilil Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet. BUKUIT NE TILIL Ak kinyo malaikaiyat age konyo kotonone ole bo kapkorosut, kotinyei teret ne bo tahabu; ne kibeele nyamdutik; ak kigigochi nyamdutik che chang’ che kibeelei, si kotese sautikab che tililen tugul eng’ kapkorosutab tahabu, ne kimi taitab ng’echeretab laitornatet. |
kigombok, magasisyek che kitile ole lalei eng' taisyek, taabook che mengeechen, kechigosyek, tereenik che ki ibe maat, ki po thahabu che tiliileen; kobooto kariik che namei kereiywotap kurgeet, che po kereiywegap kurgotigap koot ne po oriit, ole-tiliil miising', ak che po kurgotigap koot, nooto ko Hekaluut, ki po thahabu.
Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.
Ki inde kapkorosuut ne po thahabu emaitap Kamuktaindet ne kituiyechin eng' koyooto sip kemong'jin,
Kitirirenjo anyun age eng' seraphik, kotinyei ng'etetyot eng' eunnyi, ne ki inemune kanameiywot eng' kaptisisyet.
Ki po keetiik kapkorosuut, ak ki po mitainik somok che po euut kooindap tononennyi, ko po mitainik aeng' che po euut koindonyi; ak ki po keetiik luukwekyik, kobooto koindonyi ak inatusyekyik: ak kimwaiwo koleenjo, Ni ko meset ne mi taitap Kamuktaindet ne Toroor.
Ki ageer Kiptaiyat kotonone ole neegitee kaptisisyet, ak ki le, kwer walisyegap tolochik kot kotumdumgei tugatugik, yeityo itonaton walisyechooto eng' metowegap piik tugul. Ak che ng'etu abare rotwetap chok, mamweei agot agenge eng' icheek, ama chilili agot agenge.
Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.
“Ne isubi koitoe angeet ne buluu kapkorosuut ne po thahabu ak koliige magatogap mengichigap peek, yeityo korooch keetiikyik che ki ibe.
nyigiisindap gramit agenge ne po thahabu ne yamei shekelisyek taman, ne nyiitaat nyamdutik;
ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.
Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.
ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;
Ak ki ageer malaikaiyat age ne kiim kochoorugei eng' kipsengwet, kolaachi pooldet; ak ki mi chepkuinobor paragutap metinnyi, ak ki uu togeennyi asiista, ak ki uu keelyekyik tolochigap maat;
Ak ki mong' malaikaiyat age eng' kaptisisyet, ineendet ne tinyei kimnateet ne poune maat; ak kiguur ineendet eng' kutit ne oo, ne tinyei chepkeswet ne ng'atip, koleenji, “Iyookte chepkesweng'ung' ne ng'atip, ak iyum sabibugap keetit ne po ng'wony; amu kagoruryo sabibukyik.”
Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.
Ye kingo yaat ng'ookset ne po muut, ageer eng' kurereetap kaptisiisyo saboonwegap icheek che ki kibar amu ng'olyootap Kamuktaindet, ak paornateet ne ki tinyei.
Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet
Ki togosta iyetap nyamdutik che kibeelei kobooto saautigap piik che tiliileen, eng' taitap Kamuktaindet eng' eutap malaikaiyat.
Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.
Ki kuut malaikaiyatap lo, ak ki agas kutit ne mang'une kuinoigap kapkorosutap thahabu ne mi taitap Kamuktaindet,