NG'ANG'UTYET 7:2 - BUKUIT NE TILIIL Sireet ne Dutero Kanon

² Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet

Bukuit Ne Tilil

² Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet

BUKUIT NE TILIL

² Ak kiageer malaikaiyat age kotogosta kobunei kong’asis, kotinyei ng’oksetab Jehovah ne sobei: ak kimwachi malaikaisiek ang’wan eng’ kutit ne o, che kigigochi kong’em ng’ony ak nyanjet,

NG'ANG'UTYET 7:2 Referencias Cruzadas

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

TYENDO NE SIIREI TUGUL 8:6

Indea muguleldang'ung' ko uu ng'ookset, ko uu ng'ookset eng' eung'ung'. Amu kiim chamyet ko uu meet, korom ng'et konda ko uu kererit. Lalennyi ko uu laletap maat, liplibenet ne koroom miising'.

ISAIAH 41:2

Ng'oo ne ki ing'eet ineendet ne punu kong'asiis, ne kuurei eng' imanda konyo keelyekyik? Igoitoi pororyosyek eng' tainnyi, ak kogoochi ineendet koboi laitorinik; igoochin icheek koigei temburyek eng' rotwennyi po chok, ko uu meteteek che arureni, eng' taitap kwangennyi.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 26:63

Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

NG'ANG'UTYET 1:3

Paibai ineendet ne somani, ak icheek che kasei ng'aleegap maonatoni ak koriibei tuguuk che ki kisir eng' maonatoniito, amu kagoriik peetuut.

NG'ANG'UTYET 10:1

Ak ki ageer malaikaiyat age ne kiim kochoorugei eng' kipsengwet, kolaachi pooldet; ak ki mi chepkuinobor paragutap metinnyi, ak ki uu togeennyi asiista, ak ki uu keelyekyik tolochigap maat;

NG'ANG'UTYET 10:4

Ak ye kingo kagobolyo tuloosyek tisabu, amach asir: ak ki agas kutit ne punu kipsengwet kole, “Ng'ooch tuguuk che kamwa tuloosyek tisabu, amesir.”

NG'ANG'UTYET 16:12

Ak kiroong'ji malaikaiyat ne po lo taabeennyi aineet ne oo, nooto ko Yufrets; ak ki teenyo peekyik, si kobiit kochobok ooreetap laitorinik che punu kong'asiis.

NG'ANG'UTYET 5:2

Ak ki ageer malaikaiyat ne kiim komwaitoi eng' kutit ne oo, kole, “Ng'oo ne nyolu koyaat bukuit ak kotyach ng'ooksosyekyik?”

NG'ANG'UTYET 8:3

Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet.

NG'ANG'UTYET 9:14

komwachin age malaikaiyandanooto po lo, ne ki tinyei iryageet, koleenji, “Ityach malaikaisyek ang'wan che ratotiin eng' aineet ne po Yufrets.”

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.