NG'ANG'UTYET 7:3 - BUKUIT NE TILIIL Sireet ne Dutero Kanon

³ koleenji, “Among'em ng'wony, anan nyanjet, anan keetiik, kot kinde ng'ookset togoochigap otwogigap Kamuktaindet nenyo.”

Bukuit Ne Tilil

³ koleenji, “Among'em ng'wony, anan nyanjet, anan keetiik, kot kinde ng'ookset togoochigap otwogigap Kamuktaindet nenyo.”

BUKUIT NE TILIL

³ kolenji, Among’em ng’ony, anan nyanjet, anan ketik, kot kinde ng’okset togochikab otwogikab Jehovah nenyo.

NG'ANG'UTYET 7:3 Referencias Cruzadas

KOMONG'U 12:13

Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

ISAIAH 65:8

Mwaei Kamuktaindet ne Toroor kole, ko uu ye kinyoorchin divaik che leelach logoek che irurugotin eng' temeet, ak kole age, Ameng'em, amu mi kaberuret tuguuchooto: ayae anyun ko uu nooto agobo otwogikyuk, si ma ng'em icheek tugul.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

EZEKIEL 9:6

obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

MATAYO 24:22

Ak nda ma kiga keetil konwagitu peetuusyechooto, ta ma ki saru chii; ago kitilei peetuusyechooto agobo che lewenotin.

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

ROMANIK 6:22

Ago nguno ko kagityaachak eng' tengekto, ak kaoegu otwogigap Kamuktaindet, otinye logoekwok agoi tiliilindo, ak kagesunet ko saboondap koigeny.

NG'ANG'UTYET 13:16

Ak ng'atei tugul, che mengeechen ak che eecheen, ak mogoreek ak kibananook, ak che ityagotiin ak che ratotiin, kinde perutyet eng' eunekwak che po tai, anan ko eng' togoochikwak;

NG'ANG'UTYET 13:17

ak kole ma imuuchi chii koalis anan koaldais, kobatee ineendet ne tinyei perutyet, nooto ko kainetap tyondo anan ko koitetap kainennyi.

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 14:9

Ak koosup icheek malaikaiyat ne po somok, ne mwaei eng' kutit ne oo kole, “Ngot kolas chii age tugul tyondo ak kanamwennyi, ak konyoor perutyet eng' togeennyi, anan eng' eunnyi,

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 22:4

ak keerei togeennyi; ak mi kainennyi togoochikwak.

NG'ANG'UTYET 6:6

Ak ki agas ne uu kutit eng' kwenutap tyong'ichooto ang'wan saptos kole, “Ki aldae kibabetap nganuuk dinarit agenge, ak ki aldae kibabok somok che po baale dinarit agenge; ameng'em mwaita ak divaik.”

NG'ANG'UTYET 7:1

Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.

NG'ANG'UTYET 7:2

Ak ki ageer malaikaiyat age kotogosta kobunei kong'asiis, kotinyei ng'ooksetap Kamuktaindet ne sabei. Ki mwachi ineendet eng' kutit ne oo malaikaisyek ang'wan che ki kigoochi kong'em ng'wony ak nyanjet

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.