NG'ANG'UTYET 3:3 - BUKUIT NE TILIIL Sireet ne Dutero Kanon

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.

Bukuit Ne Tilil

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.

BUKUIT NE TILIL

Ibwat anyun ole kiitaakte, ak ole kiigaste; ak irib, ak isigu. Ngot ko meripse anyun, anyone ko u chorindet, amenae sait ne anyonjinenen.

NG'ANG'UTYET 3:3 Referencias Cruzadas

EZEKIEL 20:43

Ak obwaat eng' olooto ortinwekwok ak poisyonikwok tugul, che ki ong'wanitegei; ak osaske amu yaitwogikwok tugul che ki oyai.

EZEKIEL 36:31

Yeityo obwaat anyun ortinwekwok che yaach, ak poisyonikwok che ki ma ko myachen; ak osaske okweegei eng' taing'wong' amu tengekwogikwok ak amu tuguukwok che kiwechei.

MATAYO 25:13

Nooto anyun oriipse, amu mongen peetuut anan sait.

MARIKO 13:33

Oriipse anyun, ogenisye ak osaae: amu mongen ye egune.

MARIKO 13:36

si ma cheak ak konyoorwok oruitosi.

1 THESSALONIKEK 5:2

Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi.

1 TIMOTEO 6:20

Ee, Timoteo, riip anyun nooto kigegoonin, istoegei ng'aleek che ma namegei ak ooreetap Kamuktaindet, ak kabeletapkei ne po naet, nooto kiguure eng' lembech naet;

2 TIMOTEO 1:13

Nam itoondap ng'aleek che po iman che ki igasena, eng' kayaneet ak chamyet ne miitei eng' Kristo Jeso.

HEBRANIK 2:1

Eng' nooto anyun kanyool kenam miising' kosiir tuguuchooto ki kegas, si ma kichuchuige.

2 PETERO 1:13

Ak abwaati ale myee kota ami eng' poori, ang'eetak eng' kabwaatet ne abwaatwok;

2 PETERO 3:1

Chamanichu, parwaani asirwok nguno ko ne po aeng', ak eng' tuwai ang'eeti kabwaatutikwok che ma tinyei keniisyet ye agoonok obwaat;

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

NG'ANG'UTYET 16:15

“Ogeero, anyoone ko uu choriin. Paibai ineendet ne riipsei, ak koriibei ngoroikyik, si mawendot aach ngor, ak kegeer kalilanennyi.”

NG'ANG'UTYET 2:25

Ago onam miising' nooto otinye kot aitu.

NG'ANG'UTYET 2:5

Ibwaat anyun ole ki ibute, ak isigu, ak iyai poisyonik che po tai. Ngot ko mesigu, anyoonjin ak anemu keldap taing'ung' eng' komostanyi.

NG'ANG'UTYET 22:7

“Ogeero, anyoone achogu. Paibai ne riibei ng'aleegap maonateetap bukuini.”

NG'ANG'UTYET 3:11

Anyoone achogu; nam miising' nooto itinye, si ma rebenen chii kuutweeng'ung'.

NG'ANG'UTYET 3:19

Agere kong' tugul che achame ak atigooni. Igiilgei anyun, ak isigu.

NG'ANG'UTYET 3:2

Ng'eet! Igimiit tuguuk che ng'etunotiin, che machei kobek, amu tomo anyooru poisyoniguk che ki kosulda eng' taitap Kamuktaindet nenyu.