NEEMIA 2:3 - BUKUIT NE TILIIL Sireet ne Dutero Kanon

Ki aleenji laitoryat, “Ingosap laitoryat koigeny. Kalya si ma aaragen togeennyu ago ki koek karaatya nganaseet ye mi kereeriisyegap kwanisyekyuk ak ki kolalyo ormariichokyik?”

Bukuit Ne Tilil

Ki aleenji laitoryat, “Ingosap laitoryat koigeny. Kalya si ma aaragen togeennyu ago ki koek karaatya nganaseet ye mi kereeriisyegap kwanisyekyuk ak ki kolalyo ormariichokyik?”

BUKUIT NE TILIL

Ak alenji laitoriat, Ingosob laitoriat agoi: kalya si ma arogen togennyu, ye kigoek karatia nganaset, oldab kererisiekab kwanisiekyuk, ak kigolalyo ormarichokyik?

NEEMIA 2:3 Referencias Cruzadas

1 LAITORINIK 1:31

Ki ing'uruuk anyun Bathsheba kotiing'e togeet ng'wony kogutung'ji laitoryat ak kole, “Ingwo keny laitoryat kiptaiyandennyu Daudi!”

2 LAITORINIK 25:8

Ak ki nyo Jerusalem `Nebusaradan kiptaiyatap riibiik, otwogindetap laitoryatap Babilon, eng' arawetap muut, peetuutap tisap, ne ki kenyiitap taman ak sogool ne po Laitoryat Nebukadnezar, laitoryatap Babilon.

2 ATEPTAP PEETUUSYEK 21:20

Ki po kenyiisyek sosom ak aeng' ye ki tau kolaitorani, ak ki laitoran eng' Jerusalem kenyiisyek sisiit. Kime anyun, koma komachei chii ineendet ak ki kitupchi nganaseetap Daudi, ago ma eng' kereeriisyegap laitorinik.

2 ATEPTAP PEETUUSYEK 28:27

Ak ki ru Ahaz kobooto kwanisyekyik, ak ki kitupchi nganaseetap Jerusalem, ago ma kisut kwo kereeriisyegap laitorinigap Israel. Ki laitoran Hezekiah weeriinnyi kogeer ineendet.

2 ATEPTAP PEETUUSYEK 32:33

Ki ru Hezekiah kobooto kwanisyekyik, ak ki kitupchi ole kitogostoe kebendi kereeriisyegap weeriigap Daudi; ak kigonyit ineendet Judah tugul ak piik che ki menyei Jerusalem eng' meennyi. Ak ki laitoran Manasseh weeriinnyi kogeer ineendet.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

NEEMIA 1:3

Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 2:13

Ki amande kemoi eng' ormariichet ne po atebweet, ne tokyingei kondap peek ne po maswetit, agoi ormariichetap kiptangasyat ak ki atoben irimoigap Jerusalem che kiga kobutok ak ormariichook che kiga kolalyo.

TIENWOGIKAL 102:14

Amu poiboitu kiboitiniguk eng' koikyik, ak ko riiree temburyekyik.

TIENWOGIKAL 102:15

Iywei anyun pororyosyek kainetap Kamuktaindet ne Toroor, ak koywei laitorinik tugul che po ng'wony toroornateng'ung'.

TIENWOGIKAL 137:6

Ingonamgei ng'elyeptanyu ak kutit, ngot koma abwaatin, ngo ma achame Jerusalem kosiir poiboiyennyu ne siirtoot.

TIENWOGIKAL 38:7

Amu nyiitaat ng'wanindo suennyu; ama kosabei poortanyu.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

RIREKAB JEREMIA 2:9

Isuwe kobendi ng'wony ormariichokyik; ki ng'em ak koiri temeleiywekyik. Mi laitoryandennyi ak pounikyik kwenutap pororyosyek ole ma mi ng'atuutyet; ma nyooru maotikyik ng'ang'utyet ne punu Kamuktaindet ne Toroor.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.