ki teebee anyun Jakobo koleenji, “Asaain ale, mwaiwo kaineng'ung'.” Ago ki leenji, “Amu nee si iteebena kainennyu?” Ak ki iberuur ineendet eng' yooto.
KOMONG'U 3:13 - BUKUIT NE TILIIL Sireet ne Dutero Kanon Ki leenji `Musa Kamuktaindet, “Ye ait ole mi piigap Israel, ak amwachi aleenji, Kagoyokwo Kamuktaindet ne po kwanisyekwok Anyoonjok; ak ngo teebena koleenjo, ‘Kiguure ngo kainennyi?’ Aleenjini nee pichooto?” Bukuit Ne Tilil Ki leenji `Musa Kamuktaindet, “Ye ait ole mi piigap Israel, ak amwachi aleenji, Kagoyokwo Kamuktaindet ne po kwanisyekwok Anyoonjok; ak ngo teebena koleenjo, ‘Kiguure ngo kainennyi?’ Aleenjini nee pichooto?” BUKUIT NE TILIL Ak kilenji Musa Kamuktaindet, Ye ait ole mi lagokab Israel, ak alenji, Kagoyokwa Kamuktaindet ne bo kwanisiekwok anyonjok; ak ngo teebena kole, Kiguure nee kainennyi? Alenjini nee bichoto? |
ki teebee anyun Jakobo koleenji, “Asaain ale, mwaiwo kaineng'ung'.” Ago ki leenji, “Amu nee si iteebena kainennyu?” Ak ki iberuur ineendet eng' yooto.
Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”
Koleenji `Kamuktaindet Musa; “ ‘Aa ne Aa,’ Mwachi piigap Israel ng'olyoondoni, leenji, Kagoyokwo anyoonjok.”
Ak ki leenji `Kamuktaindet Musa kogeny, “Imwachini piigap Israel ng'olyoondoni ileenjini, Kagoyokwo Anyoonjok Kamuktaindet ne po Toroornatet ne po kwanisyekwok, Kamuktaindetap Abraham, Kamuktaindetap Isak, Kamuktaindetap Jakobo; kainennyu niito agoi koigeny, ak kabwaatennyu niito agoi ibinwek tugul.
ui ak ileenji ineendet, ‘Kagoyokwo Kamuktaindet ne po Toroornatet ne po Yahudik, ak kale, mete piikyuk koba si kobiit koboisyeiwo eng' surkwen; agoi kora ko tomo igas.’
Ng'oo ne ki togosta kipsengwet, ak kochoorgei? Ng'oo ne ki koyum usoonet eng' eunekyik? Ng'oo ne ki koratyi peek ngoryennyi? Ng'oo ne ki igimit tabanwek tugul che po ng'wony? Kiguure nee? Kiguure nee weeriinnyi, ngot ingen?
Nae anyun piikyuk kainennyu: naei anyun eng' peetuunooto kole anee ne ang'alaali; ogeero, anee.
Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.
Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”
Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.
Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”
“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”
Kamuktaindet ne po Abraham, ak ne po Isak, ak ne po Jakobo, Kamuktaindet ne po kwanisyekyok, ko kagotoroor kiboitiondennyi Jeso, ne ki ogoite ak ki otiiye ineendet eng' taitap Pilato, ye kiga kobegechi kotyach ineendet.
koleenji `Manoa malaikaiyatap Kamuktaindet ne Toroor, “Kiguurenen ng'oo si kobiit kegonyitin ye isulda ng'aleeguk?”
Ki wo anyun kwonyooto ak komwachi manong'otyondennyi koleenji, “Kanyoonjo chiitap Kamuktaindet ak ka uu itoondanyi itoondap malaikaiyatap Kamuktaindet, ne imuisei miising'. Ma ateebee ole kabunu, ama mwaiwo agine kainennyi.