JEREMIA 23:6 - BUKUIT NE TILIIL Sireet ne Dutero Kanon

⁶ Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

Bukuit Ne Tilil

⁶ Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

BUKUIT NE TILIL

⁶ Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

JEREMIA 23:6 Referencias Cruzadas

1 LAITORINIK 4:25

Ki meng'iis Judah ak Israel eng' chametapkei, ki tebee chii tugul kelutap keetinnyi ne po sabibuk, ak mogoywennyi, kobooch Dan agoi Beer-sheba, eng' peetuusyek tugul che po Solomon.

TIENWOGIKAL 45:5

Ng'atiben kipchaboniguk; eng' mugulelwegap puunigap laitoryat; ak kobutyin piik keelyeguk.

KOMONG'U 9:26

Emetap Goshen ineegei, ole ki mi piigap Israel, ole ma it koigap ropta.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 32:1

Ogeero, laitorani laitoryat eng' imanda, ak kobounis pounik eng' kirwooget.

ISAIAH 32:18

Ak kotebee piikyuk meng'ootetap kaalyeet, eng' meng'otosyek che riibootin, ak eng' komoswek che kimuung'e ole siisaat.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 33:5

Toroor Kamuktaindet ne Toroor; amu menyei parak, ki konyiit Zion kirwooget ak imanda.

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 31:23

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 33:15

Agoochini kobityi Daudi Temetap imanda eng' peetuusyechooto ak eng' peetuunooto; ak korwooch kirwooget ak imanda eng' emet.

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

EZEKIEL 21:27

Agabui, agabui, agabui; ma kobiitu nooto kogeny, kot konyo ne nyoljin kobunji; si agoochi ineendet.

EZEKIEL 28:26

Ak komeny olooto eng' chametapkei; ee teechei kooriik, ak komiin sabibuk, ak komeng'iis eng' chametapkei; ye tuun kaarwookyi icheek tugul che sasei icheek che mi komoswekwak tugul; si konai kole aa Kamuktaindet ne Toroor Kamuktaindennywa.

EZEKIEL 38:14

Maoten anyun, ee, weeriitap chii, ak ileenji Gog, Mwaei Kiptaiyat Kamuktaindet ne Toroor kole: Eng' peetuut ye tuun kameng'iis piikyuk Israel eng' chametapkei, ko tos menae?

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

HOSEA 1:11

Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

OBADIA 1:17

Ago piitu che chilildos eng' tulweetap Zion, ak kotiliilit; ak konam kootap Jakobo tuguugap pichooto, kobunji.

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

SEKARIA 3:10

Mwaei Kamuktaindet ne Toroor ne po lugoosyek, kole tuun kuurei chii age tugul eng' okweek chiitap kokwennyi, eng' peetuunooto, konyo keel keetitap sabibuk, ak ne po mogoywet.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet: