KOMONG'U 28:3 - BUKUIT NE TILIIL Sireet ne Dutero Kanon Yeityo ing'alaalji tugul che tinyei muguleldo ne po kaguiyet, che ki anyiit kabuusetap ng'omnateet, si konap ngoroik che po Aron si kobiit kitabaan ineendet koboisyeiwo eng' tisiisyet. Bukuit Ne Tilil Yeityo ing'alaalji tugul che tinyei muguleldo ne po kaguiyet, che ki anyiit kabuusetap ng'omnateet, si konap ngoroik che po Aron si kobiit kitabaan ineendet koboisyeiwo eng' tisiisyet. BUKUIT NE TILIL Ak ing’alalji tugul che tinyei muguleldo ne bo kaguiyet, che kianyiit tamirmirietab ng’omnatet, si konab ngoroik che bo Aron si kobiit kitaban inendet koboisiewa eng’ boisietab tiseinatet. |
Ki weeriitap mosoget ne po ooreetap Naphtali, ak kwandanyi ko ki chiitap Tyro, kitang'indetap sugononik; ak ki tinyei ng'omnateet ne oo, ak kaguiyet, ak naetap musoknateet, ne yaei poisyonik tugul che po sugunonik. Ak ki nyo kaplaitoryat Solomon, ak ki yai poisyennyi tugul.
“Ingonyo chii age tugul eng' okweek ne tinyei muguleldo ne po kaguiyet, si koyai tugul che ki ng'at Kamuktaindet ne Toroor:
Ki ilet anyun rogoonik kobogorisyek tugul che tinyei ng'omnateet, yeityo koip che ki ilet, che po che buluu, che arusen ne ais, che piriireen ak che po katanit ne karaaran.
Ki leenji `Musa piigap Israel, “Ogeero, kagoguur `Kamuktaindet ne Toroor Bezalel, komwa kainennyi, ineendet ne weeriitap Uri weeriitap Hur ne po ooreetap Judah;
ak kagonyiit ineendet Kabuusetap Kamuktaindet, eng' ng'omnateet, kaguiyet, ak naet, si konai ole teptoi poisyet age tugul ne po musoknateet.
Ki konyiit `ineendet ng'omnateet mugulelwekwak, si koyai poisyet tugul ne po musoknateet, ne po waindet, ne po laindet ne ng'oom, ne po nabiindet ne nabei kondai lelesta eng' che buluu, eng' che arusen ne piriir, eng' che piriireen ak eng' katanit ne karaaran. Agot ne po regerindet, agot ne po icheek che yaei poisyet age tugul ak ne po icheeget che ibwaati ole choptoi poisyetap musoknateet.”
Ingobois anyun Bezalel, Aholiab ak chii age tugul ne tinyei naet ne nin, ne ki igoochi `Kamuktaindet ne Toroor naet ne nin ak kaguiyet, si kobiit konai koyai poisyet tugul ne po ole-tiliil ko uu tugul che kiga ng'at Kamuktaindet ne Toroor.
Ki kuur `Musa Bezalel, Aholiab ak chii age tugul ne tinyei kaguiyet, ne kiga kogoochi Kamuktaindet ne Toroor ng'omnateet, agot age tugul ne ki ichirchi muguleldanyi koyai poisyonooto.
Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.
ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;
Ki nyiitaat Joshua weeriitap Nun muguleldo ne po utaatyet. Amu kiga kogonoor Musa eunekyik ineendet. Ki kas iit anyun lagogap `Israel ineendet ak ki yai ko uu ye ki ng'at `Kamuktaindet ne Toroor Musa.
Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.