KOMONG'U 28:2 - BUKUIT NE TILIIL Sireet ne Dutero Kanon

² Napchi Aron ng'eetap komet ngoroik che itabaanatiin che po teegisto ak korooronindo.

Bukuit Ne Tilil

² Napchi Aron ng'eetap komet ngoroik che itabaanatiin che po teegisto ak korooronindo.

BUKUIT NE TILIL

² Ak inapchi Aron ng’etab komet ngoroik che itabanotin che bo teegisto ak kororonindo.

KOMONG'U 28:2 Referencias Cruzadas

Kitabuutap JOB 40:10

Ilaakyigei anyun telunateet ak etunateet; ilaakyigei teegisto ak korooronindo.

TIENWOGIKAL 132:16

Alaakyini tisiikyik ak icheek yetunet; ak kogaskei eng' kutit ne oo eng' poiboiyet chechiik che tiliileen.

TIENWOGIKAL 132:9

Ingolaach tisiiguk imanda; ak ingogaskei eng' kutit ne oo eng' poiboiyet cheguuk che tiliileen.

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 96:6

Mi tainnyi teegisto ak etunateet: Mi koonnyi ne tiliil kimnateet ak korooronindo.

KOMONG'U 28:40

“Eng' weeriigap Aron inapchini ngoroik che kooen, pirenaik ak chepkuloik che mengeechen che po teegisto ak kororindo.

KOMONG'U 29:28

Punjin chooto Aron ak weeriikyik koek ng'atuutyet ne po agoi eng' piigap Israel, amu niito kebebertap kagoochinet ne kagitabaan, ak koek nooto kagoochinet ne kinamjin parak ne punu lagogap Israel eng' tiseiywegap kagoochinoikwak che po kaalyeet. Niito anyun ko kagoochinennywa ne kagitabaanji Kamuktaindet ne Toroor.

KOMONG'U 31:10

ngoroik che kisalei kogororonitu che itabaanatiin che po Aron tisiindet ak ngoroigap weeriikyik si koboisyee eng' tisiisyet;

KOMONG'U 40:13

Yeityo ilaakyi Aron ngoroik che ki kitabaan ak iil ineendet ak itabaan, si kobiit koboisyeiwo eng' tisiisyet.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

ATEPTAP LAWIK 8:30

Ki inem Musa kebebertap mwaata ki ilse ak kebebertap korotiik che ki mi kaptisisyet ak koisee Aron ak ngoroikyik, ak weeriikyik ak ngoroikwak. Ki ianyiny Aron ak ngoroikyik, weeriikyik ak ngoroikwak.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

GALATYEK 3:27

Amu che tee eng' okweek che ki kibatisanjok Kristo ko ki olaach Kristo.

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

2 PETERO 1:17

amu kitaach teegisto ak toroornatet eng' Kamuktaindet Kwanda, ye ki nyoonji ineendet kutit ne ki punu liilindo ne po etunateet kole, Ni ko Weeriinnyu chamanennyu, ineendet ne agasegei miising':

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

NG'ANG'UTYET 19:8

Ki kigoochi ineendet kolaachkei eng' katanit ne karaaran, ne leel kot ak ko tiliil.” Amu katanit ne karaaran ko poisyonigap imanda che po piik che tiliileen.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”