KAITOSYEK 32:23 - BUKUIT NE TILIIL Sireet ne Dutero Kanon

Ago ngot ko moyai ko uu nooto, ko kaoyai tengekto eng' taitap Kamuktaindet ne Toroor, ak onai anyun ole ng'ang'dook tengektong'wong'.

Bukuit Ne Tilil

Ago ngot ko moyai ko uu nooto, ko kaoyai tengekto eng' taitap Kamuktaindet ne Toroor, ak onai anyun ole ng'ang'dook tengektong'wong'.

BUKUIT NE TILIL

Ago ngot ko moyai ko u noto, ogeero, ko kaoyai tengekto eng’ taitab Jehovah: ak onai anyun ole ng’ang’dook tengektang’wong’.

KAITOSYEK 32:23 Referencias Cruzadas

TAUNET 13:13

Ago kiyaachen, ak ko ki kiptengegin miising' piigap Sodom eng' taitap Kamuktaindet ne Toroor.

TAUNET 4:7

Ngot iyai ne myee, ko tos ma kitaachin? Ago ngo meyai ne myee, ko ruei tengekto eng' kurgat, tokyiningei magennyi, ago magaat anyun ibou.”

TAUNET 44:16

Ak ki le Judah, “Tos kimwaun nee anyun, kiptaiyandennyu? Ki ng'alaali keleen nee? Anan tos ki ityindoitech ano imanda? Kagonai Kamuktaindet tengektap otwogiguk, ara kimi yu anyun acheeget, ki otwogigap kiptaiyandennyo, ak ineendet ne kaginyoorchi kigombet agine.”

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

1 LAITORINIK 2:32

Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

1 LAITORINIK 2:33

Weekyingei anyun korotiikwak metitap Joab, ak metowegap iyotennyi koigeny. Ago mi kaalyeet koigeny ne punu Kamuktaindet ne Toroor, kap Daudi ak iyotennyi, kobooto koonnyi ak ng'echerennyi ne po laitornatet.”

TIENWOGIKAL 139:11

Ngot amwa ale, “Tucha mesundeito iman, ak ngale koek lapkeiyet ne yiema, kemout, ”

TIENWOGIKAL 140:11

Ma kigimiti chiito ne po ng'aleek che yaach eng' emet; cheeng'ei yaityet chiito ne koroom, si koterteer ineendet.

TIENWOGIKAL 90:8

Ki inde tengekwogikyok taing'ung', Ak ki inde tengekwogikyok che ung'ootiin lapkeiyetap togeng'ung'.

KALEWANAIK 13:21

Isubi `yaityet kiptengeginik, ago kigeerchin che po iman myeeindo.

KALEWANAIK 24:16

Amu ibuti chiito ne po iman konyil tisap, ak kong'eet kogeny; ago igabui nyalilda kiptengeginik.

KALEWANAIK 5:22

Namei `kiptengekyot yaitwogikyik, ak keratee ineendet poroonigap tengektanyi.

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

JONAH 1:7

Ak ki leenjigei kiboitinigap moinget, “Nyoo, ak ongeseer parbareek, si kobiit kenai keele kanyonjech yaityoni amu ng'oo.” Ki iseer anyun parbareek, ak kobutyi `parbaryat Jona.

ROMANIK 2:9

nyalilda ak pichiindo, eng' saboondap chii age tugul ne yaei yaityo, ne po Yahudyot korook, ak ne po Yunanindet agine;

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

JOSHUA 7:18

Ki imut koonnyi konyonune chiito agenge agenge ak ki kinam Akan, weeriitap Karmi, weeriitap Sabdi, weeriitap Zerah, ne po pororyetap Judah.