Chechuuk anyun nguno weeriichuguk aeng'u, chu ki kisigun eng' emetap Misiri, ye kitom aitu ole imi; egu chechuuk Ephraim ak Manasseh, ko uu ye chechuuk Reuben ak Simion.
KAITOSYEK 2:18 - BUKUIT NE TILIIL Sireet ne Dutero Kanon “Tebee kweanet ne po nganaseetap Ephraim cherongo kosupkei ak lugosyekwak. Egu Elisama weeriitap Amihud pounindetap lagogap Ephraim, Bukuit Ne Tilil “Tebee kweanet ne po nganaseetap Ephraim cherongo kosupkei ak lugosyekwak. Egu Elisama weeriitap Amihud pounindetap lagogap Ephraim, BUKUIT NE TILIL Tebe songoliet ne bo nganasetab Epraim cherongo ko u lugosiekwak: ak ingoek Elisama weritab Amiud bounindetab lagokab Epraim. |
Chechuuk anyun nguno weeriichuguk aeng'u, chu ki kisigun eng' emetap Misiri, ye kitom aitu ole imi; egu chechuuk Ephraim ak Manasseh, ko uu ye chechuuk Reuben ak Simion.
Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.
Eng' lagogap Joseph: eng' che po Ephraim ko Elisama weeriitap Amihud; eng' che po Manasseh ko Gamaliel weeriitap Pedasur;
Eng' ooreetap Joseph, che salu ooreetap Ephraim, ko ki kiit piik tugul kobooch che po kenyiisyek tiptem ak kwo tai, tugul che ki imuuchi koba lugeet, ko uu ole tee kainaikwak, kosupkei ak ibinwekwak, ko uu ortinwekwak ak ko uu kooriigap kwanisyekwak.
Ki toi panda nganaseetap lagogap Ephraim kosupkei ak pcheutigap lugosyekwak kosubi songolyennywa, ak ki pou Elisama weeriitap Amihud.
Eng' peetuut ne po tisap, ko ki igoito kagoochinennyi Elisama weeriitap Amihud, pounindetap lagogap Ephraim ko uu ni:
ak ki po tiseiywotap kagoochinetap kaalyeet eiik aeng'u, mengichik muut, kwesik muut ak mengichik muut che ma siirei kenyiit agenge. Chooto kagoochinoik che ki po Elisama weeriitap Amihud.
Twateiyot ne punu kirginnyi kotinyei toroornatet; ak kuinoikyik ko kuinoigap soet. Toortoe chooto pororyosyek tugul agoi ole poochin ng'wony. Chooto tamanusyegap eliphusyegap Ephraim, ak chooto eliphuusyek che po Manasseh.”