NG'ATUTIK 33:17 - BUKUIT NE TILIIL Sireet ne Dutero Kanon

¹⁷ Twateiyot ne punu kirginnyi kotinyei toroornatet; ak kuinoikyik ko kuinoigap soet. Toortoe chooto pororyosyek tugul agoi ole poochin ng'wony. Chooto tamanusyegap eliphusyegap Ephraim, ak chooto eliphuusyek che po Manasseh.”

Bukuit Ne Tilil

¹⁷ Twateiyot ne punu kirginnyi kotinyei toroornatet; ak kuinoikyik ko kuinoigap soet. Toortoe chooto pororyosyek tugul agoi ole poochin ng'wony. Chooto tamanusyegap eliphusyegap Ephraim, ak chooto eliphuusyek che po Manasseh.”

BUKUIT NE TILIL

¹⁷ Twateiyot ne bunu kirginnyi kotinyei torornatet; Ak kuinoikyik ko kuinoikab soet: Toortoe choto bororiosiek tugul agoi tabanwekab ng’ony: Ak choto tamanusiekab elfusiekab Epraim, Ak choto elfusiek che bo Manase.

NG'ATUTIK 33:17 Referencias Cruzadas

TAUNET 48:19

Ago ki eesyo kwandanyi, ak kole, “Angen ale uu nooto, weeriinnyu, angen. Egu agine ineendet pororyet, ak tuun eetu. Ago eetu ng'eetap kamet ne ming'in kosiir ineendet ak chaang'aitu lagokyik koegu pororyosyek che chaang'.”

1 LAITORINIK 22:11

Kiyachigei Zedekiah weeriitap Kenaana kuinoigap kariik, ak kole, “Kamwa Kamuktaindet ne Toroor ko uu ni, kole: ‘Itoortae chuuto piigap Syria, kot kogeskei.’ ”

1 ATEPTAP PEETUUSYEK 12:31

Che po kebebertap pororyetap Manasseh, ko ki eliphuusyek taman ak sisiit che kiga kimwa eng' kainaik, si kobwa koyai Daudi koek laitoryat.

1 ATEPTAP PEETUUSYEK 12:32

Che po lagogap Issakar, che ki iguitos agobo peetuusyek, che ki ingen kiit ne kanyool koyai Israel ko ki pogol aeng' kandoikwak, ak kigase iit icheek tupchosyekwak tugul.

1 ATEPTAP PEETUUSYEK 5:1

Weeriigap Reuben taitap Israel, (Nganda kitaita iman ineendet, ko ki imurwon itoogutap kwandanyi, ki kigoochi etunatennyi ne po sigeet weeriigap Joseph weeriitap Israel; ak ma kiit tetuutigap ibinwek che ki kosiirto kisube etunatetap sigeet.

1 ATEPTAP PEETUUSYEK 5:2

Nganda ki iterteeris Judah kosiir tupchosyekyik ak komang'une ineendet pounindet; ko ki punji Joseph etunatetap sigeet.)

1 ATEPTAP PEETUUSYEK 5:23

Ki meny emonooto lagogap kebebertap pororyetap Manasseh: kitesak kobooch Bashan agoi Baal-hermon ak Senir ak tulweetap Hermon.

2 ATEPTAP PEETUUSYEK 18:10

Kiyachigei Zedekiah weeriitap Kenaana kuinoigap kariik, ak kole, “Kamwa Kamuktaindet ne Toroor kole: Itoortae chuuto piigap Syria, kot kowong'kei.”

TIENWOGIKAL 22:21

Sarwo eng' kutitap ng'etundo; ee, kaiwolwo eng' kuinoigap soenik.

TIENWOGIKAL 29:6

Igoochin `Kamuktaindet ne Toroor tuloonoogap Lebanon kotorombenso ko uu moita; ak tulweetap Sirion, ko uu moitap soet.

TIENWOGIKAL 44:5

Kiterteeri puunikyok eng' inyee; ak eng' kaineng'ung' ketyeche che machei kong'eetyeech.

TIENWOGIKAL 60:7

Nenyu Gilead, ak nenyu Manasseh; Ephraim agine ko kimnateetap metinnyu, Judah ko kiroktonyu ne po laitornatet.

TIENWOGIKAL 92:10

Ago kiitoroor kuinennyu ko uu kuinetap soet: Kagiilena mwaita ne karaaran.

ISAIAH 34:7

Ak ki choorgei soenik kobooto icheek, kiruugik che mengeechen kobooto kiruugik che eecheen. Ak kobogite emennywa korotiik, ak ko akwaitu temburyekwak eng' akwaindo.

EZEKIEL 34:21

Amu ki otoortaisye karaaswekwok ak tigigoikwok, ak otoore kuinoikwok tugul che ki myandos, kot oseer koba oldo tugul;

HOSEA 5:3

Angen Ephraim, ama ung'aat Israel eng' anee. Amu koiyai kugoinatet inyee, ee, Ephraim, ki kong'wanit Israel.

HOSEA 6:4

Ee Ephraim, ayaun nee? Ee Judah, ayaun nee? Amu uu myeeindong'wong' pooldet ne po karon, ak ko uu rewoot ne sip kobetei.

HOSEA 7:1

Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

KAITOSYEK 23:22

Ki imutu Kamuktaindet icheek eng' Misiri, tinyei kimnateet ne uu ne po soet.

KAITOSYEK 24:8

Ki imutu Kamuktaindet komong' eng' Misiri, tinyei kimnateet ne uu ne po soet. Lugui pororyosyek che puunikyik, tonatoni kawekwak komengegitu, ak mwogei icheek kosore eng' kipchabonikyik.

KAITOSYEK 26:34

Chuuto ortinwegap Manasseh; ki ek icheek tugul eliphuusyek konom ak aeng' ak pogol tisap.

KAITOSYEK 26:37

Chuuto ortinwegap weeriigap Ephraim; ki ek icheek eliphuusyek sosom ak aeng' ak pogol muut. Chuuto weeriigap Joseph ko uu ortinwekwak.

JOSHUA 17:14

Ki ng'alaalji `lagogap Joseph Joshua koleenji, “Amu nee si igoono parbaryat agenge, kebeberta agenge koek poroteet ak ingen ile aa pororyet ne oo amu ki koberuura Kamuktaindet ne Toroor agoi rani?”

JOSHUA 17:18

ago punjinin emetap tuloonook, amu nganda timdo, iswache ak punjinin ole pooch. Amu ioone Kanaanik koba, nganda tinyei kariisyegap kariik ak nganda kiimeen.”

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.