KAITOSYEK 14:2 - BUKUIT NE TILIIL Sireet ne Dutero Kanon Ki ing'unyng'ung'ji piigap Israel tugul Musa ak Aron ak koleenji, “Ki kaigai nda kiga kibekyi emetap Misiri! Anan nda kebekyi ong'atani! Bukuit Ne Tilil Ki ing'unyng'ung'ji piigap Israel tugul Musa ak Aron ak koleenji, “Ki kaigai nda kiga kibekyi emetap Misiri! Anan nda kebekyi ong'atani! BUKUIT NE TILIL Ak kiing’unyng’ung’ji lagokab Israel tugul Musa ak Aron; ak kilenji tuiyet komugul ichek, Ki kaigai nda kiga kibekyi emetab Misri! Anan ko nda kiga kibekyi ong’atani! |
Ago ki wo ineendet pandap peetuut agenge kochut surkwen. Ki it ole mi keetiigap junipa, ak kotebi ng'wony eng' keetoto keel. Ki soom eng' yooto kole kome, ak ki le, “Kogoyam! Ara anyun, ee Kamuktaindet ne Toroor, ip saboondanyu nguno. Ma aa myee anee asiir kwanisyekyuk.”
Ak ki ibwaat kayomisennyi ne kigayomisyi icheek, ak ki riiree icheek ko uu chaang'indap rireenosyekyik.
Ki ing'ung'ung'ji `icheek Musa ak koleenji, “Tos ki imutwech kebekyi surkwoni amu ki ma komi kereeriisyek Misiri? Amu nee si iyaiywech ko uu ni, imoong'wech eng' Misiri?
Ki am piik melelda eng' olooto, ak ki ing'unyng'ung'ji `icheek Musa ak koleenji, “Kilya si imutwech acheek, lagokyok ak akwotisyekyok kemang'une Misiri ak inyoo ibarenech melelda?”
Ara anyun, ee Kamuktaindet ne Toroor, asoomin miising' ale, istoena saboondanyu; amu kaigai eng' anee ame kosiir asap.”
Ak kingo chor asiista kochop Kamuktaindet usoonet ne punu kong'asiis ne imelisyei; ak ki peel asiista metitap Jona kot kotanui ak kisoomjigei kole kome. Ak ki le, “Kaigai eng' anee ame kosiir asap.”
Ki toi anyun piik kong'unyng'uny ak komwaei che yaach kogasei Kamuktaindet ne Toroor, ak ye kingo kas ineendet ko kotoigei nereegekyik. Ara ki lal maatap Kamuktaindet ne Toroor eng' kwenunnywa ak ki peel ole po tabanwegap nganaseet.
Ngot iyaiywo ko uu ni, asaain ale ibara. Ngo ki anyooru chameet eng' taing'ung', ko mata igoono ageer nyalildanyu.”
Ki ibwaati njireenik che ki kiame puch eng' Misiri, ingweek, logoek che kigureen melon, kitunguk che eecheen ak che mengeechen ak kitunguk che ng'woneen.
koma mi agot agenge eng' pichu tugul che ki kogeer toroorindanyu ak kaboorunoikyuk che ki ayai eng' Misiri ak eng' surkwen. Ko uu ye ki kotyema konyil taman, ama epchi iit kutinnyu,
Tos igeere ile kiy ne ming'in ye ki imutwech ketogosu eng' emet ne kinyiitaat cheego ak komi kumyat eng' chaang'indo si ibarchech ong'atani? Ak nguno imache iegu pounindet, iboiywech-i?
Ago ki ing'unyng'ung'ji Musa ak Aron `tuiyet komugul ne po piigap Israel eng' peetuut ne ki isubi peetuunooto kole, “Koobar piigap Kamuktaindet ne Toroor.”
Ara ki ng'alaalji `Musa piigap Israel, ak ki igoochi pounikwak tugul ineendet kirokweek taman ak aeng', kirokto agenge eng' pounindet age tugul ko uu kooriigap kwanisyekwak, ak ki miitei kirokto ne po Aron kobooto chechwaak.
Kibolyo piik ak Musa, komwaei koleen, “Nda kiga kibegu ye kibegu tupchosyekyok eng' taitap Kamuktaindet ne Toroor!
Amu nee si omutu tuiyetap Kamuktaindet ne Toroor kobwa ong'atani? Tos ki omutwech si kobiit kebegu eng' oli; ak tuukyok?
Ki ing'unyng'ung'ji anyun `piik Kamuktaindet kobooto Musa, kole, “Kilya si omutwech kemang'une Misiri kebwa kebekyi surkwen? Amu ma mi amitwogik anan peek, ak wechei saboonwekyok amitwogichu tertereen.”
Amat ong'unyng'ung'se, ko uu ye ki ing'unyng'ung'so alak eng' icheek, ak ki pek eng' ng'emindet.
Ki ong'unyng'ung'se eng' emaisyekwok ole, ‘Ki imoong'wech Kamuktaindet ne Toroor eng' emetap Misiri amu kiwechech, si kobiit kondeech eunegap Amorik kobarech.
Ye kingo yootok Kamuktaindet ne Toroor eng' Kadesh-barnea koleenjok, otogoste onam emet ne ki agoonok, obistoe nooto kang'atak Kamuktaindet ne Toroor Kamuktaindeng'wong', ama oyan ineendet anan ogas iit kutinnyi.
Amu ng'oo che kitagis ye kingo kas? Tos ma icheek tugul che ki mang'une Misiri eng' Musa?
Chuuto ko che ing'unyng'ung'dos, kiptiyotinik, che isubi maguutikwak che yaacheen (ak komwaei kutusweekwak ng'aleek che koroomen che po menoteet), che tiytiy piik si konyoor kelunet.