JEREMIA 25:3 - BUKUIT NE TILIIL Sireet ne Dutero Kanon Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas. Bukuit Ne Tilil Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas. BUKUIT NE TILIL Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas. |
Ara king'eet Abraham karon miising' komusta, ki iito kiit ne kitebee eng' sigiryennyi si kobiit kolaany, ak ki imut murenik aeng' eng' che ki tinyei, koba kobooto ineendet ak Isak weeriinnyi. Ki pet kweenik che po kagoochinet ne kibeelei, yeityo koba ole kiga koarorchi Kamuktaindet.
Ki leenji `laitoryatap Israel otwogikyik, “Ongen ole nenyo Ramot-Gilead, kitebye, ama kibendi kerebe eng' eunegap laitoryatap Syria?”
Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”
Agos ki iyookyi icheek maotik kole komut icheek koweekyi Kamuktaindet ne Toroor; ak kibaoryan kogirinda icheek, ago ma cham kogas.
Ki po Josiah kenyiisyek sisiit ye ki tau kolaitorani; ak ki laitoran kenyiisyek sosom ak agenge eng' Jerusalem.
Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.
Ak eng' kenyiitap taman ak sisiit ne po laitornatennyi, ye kiga kotiliil emet ak koot, koyookto anyun Sapan weeriitap Asalia, ak Maaseia pounindetap nganaseet, ak Joah weeriitap Joahas siriindetap tuguuk che piitu, koteech ole ki kobutok eng' kootap Kamuktaindet ne Toroor Kamuktaindennyi.
Ak ki iyooktoi Kamuktaindet ne Toroor, Kamuktaindetap kwanisyekwak, piikyik, komusta koba ole mi icheek; amu ki riiree piikyik, ak ole menyei ineendet.
Ak ki leenji `Kamuktaindet ne Toroor Musa, “Ng'eet karon muste ak itonon eng' taitap Pharaoh ye wendi aino ak ileenji ineendet, ‘Kamwa Kamuktaindet ne Toroor kole, mete piikyuk koba koboisyeiwo.’
Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.
Ki nyoonji `ng'olyootap Kamuktaindet ne Toroor ineendet eng' peetuusyegap Josiah weeriitap Ammon laitoryatap Judah, eng' kenyiitap taman ak somok ne po laitornatennyi.
Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.
Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.
Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.
Ak ki koyokwok Kamuktaindet ne Toroor otwogikyik tugul che maotik, kong'eetei karon miising' ak koyogu icheek; ago ma ogas, anan oep iit, si kobiit ogas;
ogas ng'aleegap otwogikyuk maotik, che ayookwok, ang'eete karon miising' ak ayookwok, ago ki ma ogas;
amu ma kas ng'aleekyuk, mwaei Kamuktaindet ne Toroor, che ki ayooktochine icheek otwogikyuk maotik, ang'eete karon miising' ak ayookte icheek; ago ma ocham ogas, mwaei Kamuktaindet ne Toroor.
Ak ki kotuktocha patai, ama keera: ak nganda ki aneet icheek, ang'eete karon miising' ak aneeti, koma epchi iit si kotaach kaneetisyet.
Kagosulda ng'aleegap Jonadab weeriitap Regap, che ki ng'at weeriikyik koleenji amoee divaik, ak tomo koe icheek agoi peetuuni, amu kase iit ng'atuutyetap kwandanywa: ago ki ang'alaalwok, ang'eete karon miising' ak ang'alaali, ago ma oepcha iit.
Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.
Ki nyoonji Jeremiah ng'olyoondoni ne ki punu Kamuktaindet ne Toroor eng' kenyiit ne po ang'wan ne po Jehoiakim weeriitap Josiah, laitoryatap Judah, koleenji
nam bukuit ne mamanat, isirchi ng'aleek tugul che koamwaun agobo Israel, ak agobo Judah, ak agobo pororyosyek tugul, kobooch peetuut ne ki ang'alaalun, kobooch peetuusyegap Josiah, agoi peetuuni.
Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”
Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,
Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.
age tugul anyun ne kasei iryageet, ama iit kateunet, ngot konyo rotwetap chok ak kobar ineendet, kotebee korotiikyik metinnyi.
Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.
Ak kimus karon konyo Hekaluut, ak ki pwa piik tugul ole mi ineendet; ak ki tep ng'wony, koneet icheek.
Ineendet ne po Kamuktaindet kogasei ng'aleegap Kamuktaindet: nooto anyun mogase okweek, amu mo po Kamuktaindet.”
amde ng'olyoot; choboge eng' peetuut ne nyolu, ak eng' peetuut ne ma nyolu; itigon, kergong', igiil, eng' muitaet tugul ak kaneetisyet.