Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.
JEREMIA 19:6 - BUKUIT NE TILIIL Sireet ne Dutero Kanon keero, pwoonei anyun peetuusyek, mwaei Kamuktaindet ne Toroor, che ma keguure olito Topet, anan keguure Atebweetap weeriitap Hinom, ago kiguure Atebweetap Parisyet. Bukuit Ne Tilil keero, pwoonei anyun peetuusyek, mwaei Kamuktaindet ne Toroor, che ma keguure olito Topet, anan keguure Atebweetap weeriitap Hinom, ago kiguure Atebweetap Parisyet. BUKUIT NE TILIL keero, bwanei anyun betusiek, mwaei Jehovah, che ma keguure olito Topet, anan keguure Atebwetab weritab Hinom, ago kiguure Atebwetab Barisiet. |
Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.
ak ileenji icheek, Mwaei Kamuktaindet ne Toroor ne po lugoosyek kole: Atue ko uu nooto pichu ak nganasani, ko uu ye tuei chiito tereetap cheptereniot, ne ma kimuuchi keyai komyeeit kogeny: ak ketupchi icheek Topet, kot koma komi ole ketupchin.
ak obe agoi atebweetap weeriitap Hinom, ne miitei ye neegitee ole kibunei eng' ormariichetap rokyonik, ak imwaite eng' yooto ng'aleek che ta amwaun.
Kwo kotestai kiwoteet agoi atebweetap weeriitap Hinom, eng' tabandap Jebusindet murot tai, ne nooto ko Jerusalem ak kwo agoi tulweet parak ne ikweeni atebweetap Hinom eng' cherongo, murot kaataam ne po atebweetap Repaik.