EPESOEK 3:17 - BUKUIT NE TILIIL Sireet ne Dutero Kanon si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet, Bukuit Ne Tilil si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet, BUKUIT NE TILIL si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet, |
Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.
kergei ineendet ak chiito ne teechei koot, ne ki pal kororokto miising', ak konde lumeiywot rwandet: ak ye kingo chang'a peek, koryep peegap mogoch koyooto, ama imuuch kotumdum: amu kiga kiteech komyee.
nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.
Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.
anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”
ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.
Nguno anyun agobo tuguuk che kieng'jin kanamonik: kingen keele ki tinyei acheek tugul naet. Menei naet, ago teeksei chamyet.
Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.
Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.
Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.
Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.
ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.
che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:
ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.
Ak kingen ak ki kiyan chamyet ne ting'enech Kamuktaindet; Kamuktaindet ko chamyet; ineendet ne menyei chamyet komenyei Kamuktaindet, ak komenyei `Kamuktaindet ineendet.
Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.
Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.