JOSHUA 23:4 - Hawa Naga Bible 2001 Ngaz rueq khvt taungx wvnc tauk shaldungc kox Yodan Ruilx maq shalx nyuip kox svmuktvrax Mediteranean nuex httuiuc laz httax yaq miqphvnx lotlaz nuiyc kvjungx yaq miqphvnx htenc ghaq vraungx kuex nuimshiq phvnx vmaq rueq lvp wvnc tvkoc ngaz rueq ruiy kuq shex phaungx shex. ASII LAKDAP Bible (BSI) Ngi raq namshiq maiqphan thun ma tachong hiqshong miitu, Kanan mung wa maiqmung thun mijii wan han shaq sitlaq kra, kiimaq ngi raq maiq mung thun shedong nü mung wa Jordan Rai maq riita shenyap mung nü na Mediterenian Khamjong kii na saüli kra khat lata jiiwan kang thun kra chumkuq kang she. |
Vpiq miqsaz htenc khaungx tvmax nuex kaz tueq nuex, kungkhux vhttax miqphvnx htenc kuex vpiq rueq tvdung yurc gay ruiux; Israel waruiuz htenc muex tsuingshiq ghaq vraungx htenc phvlx tueq nuiyc vpiq miqsaz htenc muex tsuingshiq yuimx htenc kuex kuq tueq.
Nuimshiq miq paung wvnc vtueq ghaq vraungx kuex guimz wvnc shuinx nuex httuiuc laz, ngaz rueq tsuingshiq kuex raungluingx luingx maq yurc gay shaungx.
Yehowa rueq, “Ngaz rueq miqphvnx tvlot laz lvmz gay tauk; tsuingshiq ghaqyungx htenc kuex tvbac gay ruiux tsuingshiq palx ruk htenc, pvrrawx htenc kuex tvbac gay tauk. Ghaqyungx htenc kuex kuiyqshuik kuiyq khvmx yaungx wvnc vtueq, lvmx htenc nuex miq muinz khuemx muq; miq vshiz muinz kvjungx tuex rvmuq.
“Nuimshiq kay juing mungx nuex httax yaq miqphvnx htenc kuex Yehowa nuimshiq Tishox rueq tvbac gay shuex ningkhvnc nuex nuimshiq rueq kvruex mungx kuex lvp wvnc vtueq kvruex mungx kvyuq httax wuez tuinx.
Yoshua rueq tsuingshiq tvkoc Yehowa rulc rvjungc vtueq hangchac maq thvl ruiux kvjungx yaq Israel phvnx htenc vshiz maq vshiz tvkoc ghaq kuex phvlx kuq tueq.
Tsuingshiq rueq ngvy kvjaz tay muq nuiyc phvnx muq ningkhvnc nuex, Yoshua thueyc kaz tueq nuex mungtan vyuq kvjungx yaq miqphvnx ukhaq yuq muinz ngaz rueq raungluingx muinz yurc gay shaungx rvmuq.