Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.
Saak 1:2 - Jola-Kasa Kutuyom li kúliinom káyinenumuu li Yéesu, ésuumansuum yáamak elako li bukuluul, bukuluul babaje sílaam sanoosan. |
Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.
Li famen to foof ésuumansuumayi yan ubajaalemuu ololaal li sílaam, mata luhaasaale oonaal sílaam lakaanekaan an ayili húmuñ.
Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.
Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.
Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.
Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.
Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.
Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.
Loonaaliisoon áwolo mata kútuutuk lit. Jijanjam bukanabuku li kulob mata humuntenahu hata Sob, nan alakomuu sílaamasu. Ban jihaase waa Amaaŋenawu abile akaanumuu boot li akila li húbanumahu, mata Amaaŋenawu laluuluuk húbooli li káyiyen.
Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,
Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.