Eébulo 10:34 - Jola-Kasa

³⁴ Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.

Eébulo 10:34 Referencias Cruzadas

Máciya 19:21

Yéesu li aanool: — Ufañumuu min ulako an anabe hákil Ateemit, ujow újula wahawu feh wan ubajumuu, min uŋa’ sídalamasu ugaben esukateenayi. Fan ubaj hubaj li emitayi. Banumuu, li ubil únabul lí ínje.

Hulimahu Hásuumaahu loon Lík akiic homuu 10:42

Bale wah wano bale ubaje jáliŋ. Mali lamamman wahawu wahaŋumuu majak, ban an let áfulen wo li okila.

Hulimahu Hásuumaahu loon Lík akiic homuu 12:33

Jíjula wahawu wan jibajumuu, min jisen sídalamasu kusukateenaku. Jikaan boot li bukuluul humumuul, ul̥aac wata kakaan sídalam waatut ubil uneg. Jijoojen ebajayi yooluul boot li emitayi dán yootutumuu ebil éyaakulo, dán ákuu ayilaatumuu ajow, li dán bulolabu buyilaat yomuu bukajen.

Hulimahu Hásuumaahu loon Lík akiic homuu 9:25

Jáliŋ buu yoom to, an babaje wahawu feh wata adunaayi ban li ájimen buloŋool, mantee li akajenoolo okila humumool?

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 28:20

Wahawu unwu újimuu li iŋes min ijukuul min ilob li bukuluul, mata min íjenkumimee baseelabu umbe, anawu an kata Isilayeel kúkangummuu li akila, ájimuu li íjenkumi bo.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

2 Kata Koolent 5:1

Luhaasaale li mal̥egenamu oonaal eniilayi yoololaal yata baabe li etaam yanokoomuu loon eluuf dán ukinaale, ebilumuu ekajen, fan ubajaal li emitayi eluuf yata boot nanoonan yan Ateemit ateefe, inti yan kuŋen kata bukan kuteefe.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

1 Tímote 6:19

Muñowu kommuu kukaan, li kuwoogen hubaj hajake ban li hulit boot kajom, mantee li kubaj buloŋabu bata mal̥egen.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eébulo 11:16

Li mal̥egenamu, muñeˈe etaam yahaŋe majak kúsiibowe li yo, yo yommuu yata li emitayi. Wahawu unwu újimuu Ateemit asuuwut min kuhooñool Ateemit ooliil, mata lakankaan ésuk akat to boot li buko.

Eébulo 13:14

Mata ubajutaal li etaamaye bukin bata kale, bale bukinabu bammuu li ebil luŋesaale li bo.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

Saak 1:2

Kutuyom li kúliinom káyinenumuu li Yéesu, ésuumansuum yáamak elako li bukuluul, bukuluul babaje sílaam sanoosan.

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.