Simoŋ ammuu li hujojahu haaneyimuu Selot li Sudaas Isikaaliyot abetumuu Yéesu li kuŋen kata bukan.
Máciya 26:14 - Jola-Kasa Muñeˈe, akee li kúgoomaku kuŋen li kúl̥uba, an koone Sudaas Isikaaliyot li ajow ajuk huhaanaahu hata élambaayi, |
Simoŋ ammuu li hujojahu haaneyimuu Selot li Sudaas Isikaaliyot abetumuu Yéesu li kuŋen kata bukan.
Sudaas ammuu li abet Yéesu li kuŋen bukan, li agel̥l̥enool aanool: — Anahaan, waa fíle, ínje? Yéesu li aanool: — Awu humumi lúlobulo mó.
Nan Yéesu alakomuu elobayi, Sudaas alakomuu akee li kúgoomaku kuŋen li kúl̥uba li áliiŋul. Li ánaboolul li búsuk bajunkowulo síkundu li sigol. Bukanabuku umbuku huhaanaahu hata élambaayi li kunahaanaku kata ésukayi kúboñuliil.
Nan Sudaas, abetumuu Yéesu li kuŋen bukan, ajukumuu aan Yéesu eketayi lajowemuu boot, li ajok li ehaaseen. Li aŋa’ sihanjalasu sata sídalamasu áyii li kuŋenayi alaañen ajow asen huhaanaahu hata élambaayi li kunahaanaku kata ésukayi,
Akee li kúgoomaku kata Yéesu an koone Sudaas Isikaaliyot, ammuu li abil abet Yéesu li kuŋen bukan, li aan:
Yéesu buko li kúgoomaku koola li kulako hutiñ kátiimeel, kama Sayitaane akila bakaane aban li buyinumabu bata Sudaas, ammuu añiilawu ata Simoŋ Isikaaliyot, kayinoo kata kabet Yéesu li kuŋen bukan.
Yéesu li aanool: — Boot min iyooken humuncul hata húmbuulu li bájikabu bata buyinjaayabu. Anawu an emmuu li isen ho, akilamuu. Muñeˈe Yéesu li aŋa’ humunculahu ayooken li bájikabu, ban li asen ho Sudaas ata Simoŋ Isikaaliyot.
Mal̥egen Sudaas li aŋa’ humunculahu hata húmbuuluwahu aban, li ayaan ajow áfu’. To bajone.
Sudaas ammuu li abet Yéesu li kuŋen bukan, lahahhaas foof tinatu untu, mata Yéesu labilebil to ñameeŋe li kúgoomaku koola ló.
— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.
Sudaas lakankaan majakut min kucaamool. Nan kucaamoolumuu, li aŋa’ sídalamasu min anoom eŋam. Li eŋamayi inyu Sudaas aŋa’muu kaneew min akokoo. Ehuluŋayi yoola li élowumul ló elo eya húkowahu hata yo, min halahu húweelo min múyokolamu moola múfulul muyiisoo li etaam.