Bakaanelabu 1:16 - Jola-Kasa

¹⁶ — Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Bakaanelabu 1:16 Referencias Cruzadas

Máciya 26:14

Muñeˈe, akee li kúgoomaku kuŋen li kúl̥uba, an koone Sudaas Isikaaliyot li ajow ajuk huhaanaahu hata élambaayi,

Máciya 26:47

Nan Yéesu alakomuu elobayi, Sudaas alakomuu akee li kúgoomaku kuŋen li kúl̥uba li áliiŋul. Li ánaboolul li búsuk bajunkowulo síkundu li sigol. Bukanabuku umbuku huhaanaahu hata élambaayi li kunahaanaku kata ésukayi kúboñuliil.

Máciya 26:54

Bale ikaan momuu, buu wahawu wan Bakiicelabu bulobumuu woote úbajum? Bakiicelabu bonsoon wahawu unwu fan ubaj loon muñaˈa.

Máciya 26:56

Bale wahawu unwu feh ubabbaj bájum kulimaku kan kufulofetaku kukiicumuu kukat to, li kubaj. Muñeˈe kúgoomaku koola li kukatool bo, min kutewoo kuwuj.

Maak 12:36

Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Maak 14:43

Muñeˈe nan alakomuu elobayi, Sudaas alakomuu akee li kúgoomaku li ayaan áliiŋul. Li ánaboolul li búsuk bajunkowulo síkundu li sigol. Bukanabuku umbuku huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, li kunahaanaku kata ésukayi kúboñuliil.

Hulimahu Hásuumaahu loon Lík akiic homuu 22:47

Nan Yéesu alakomuu elobayi, búsuk li búfulul. Sudaas alakomuu akee li kúgoomaku kuŋen li kúl̥ubaaku, li áyabul hákil búsukabu. Li abil áliiŋul, li álohul Yéesu boot káfoonool.

Hulimahu Hásuumaahu loon Saŋ akiic homuu 10:35

«Ateemit lahonhooñ kuteemit bukanabuku kan asenumuu hulimahu hoola. Ban, luhaasaale oonaal an ayilaat ábuj wahawu wan bakiicelabu bulobumuu.

Hulimahu Hásuumaahu loon Saŋ akiic homuu 13:18

«Ilobut iya li bukuluul foofuul feh. Lihaase bukanabuku kan il̥usumuu. Bale hulimahu unhe halobimuu li Bakiicelabu hoote hubaj, haanumuu: “Anawu an jinaake jitiñummuu dín dáno, látiiwowulo atiikom.”

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Hulimahu Hásuumaahu loon Saŋ akiic homuu 19:36

Mata li mal̥egenamu wahawu unwu ubabbaj bájum kulimaku kan Bakiicelabu bulobumuu li kulako li mo, kaanumuu: «Ewuulool yanooyan let ehumi.»

Bakaanelabu 1:20

Fiyeel li alaañen aaniil: — Imban, wahawu unwu ukiicimuu li éliibalayi yata ukijenawu: «Eluufayi yoola fan ekati bo. An let akin dó.» Li laañen kiic foof kaanaku: «Akee aŋa’ bulokabu boola.»

Bakaanelabu 13:15

Muñeˈe nan kujangamuu síliibalasu sata Eluwaayi kuban, kunahaanaku kata eluufayi yata kal̥awaku li kuboñ kujow kooniil: — Kútuyoli, jibajumuu kulim kata kawankulen bukanabuku, li jilob ko.

Bakaanelabu 13:38

Kutuyom, joote jihaas joon Yéesu ájimuu li jilobuul síyaat mata kabonketaku kata uhoofoolawu wooluul, wan eluwaayi yata Móyiis eyilaatumuu éfulenuul li wo.

Bakaanelabu 15:13

Nan kubanumuu elobayi, Saak li aŋa’ hulimahu min aan: — Kutuyom jijantenom!

Bakaanelabu 15:7

Li kúwonnoo jow fiyo, Fiyeel li ayito min aaniil: — Kutuyom, jihaase joon Ateemit lal̥usonl̥us li bukuluul nan fiyo, boot kawaale Hulimahu Hásuumaahu bukanabuku kákaanumutumuu li Ateemit balewool, mantee li kujam ho li kúyinen.

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 22:1

— Kutuyom li situubawom, muñeˈe jijanten wahawu wan emmuu li ilobuul min icahenoolo.

Bakaanelabu 23:1

Muñeˈe Fool li ajuke bukanabuku kata hujojahu súy aban li aaniil: — Kutuyom, li buyinumom ifetut min éemimuu li bulok boot li Ateemit boot yok síyaat.

Bakaanelabu 23:6

Fool lahaase aan bukanabuku kammuu li hujojahu háamakahu, kukee li buko Kusaduusiyeŋ; mó lí múji li alob butiya hákil hujojahu háamakahu aan: — Kutuyom, ínje Afaaliisiyeŋ leem, ban li éemi foof añiil ata kufaaliisiyeŋ. Min íkangummuu li kayitowulaku kata bukanabuku li eketayi, mó mújimuu li eenoyi li batiib.

Bakaanelabu 28:17

Nan jeˈe bajumuu kunak kúhaaji, Fool li ahooñ boola kunahaanaku kata Kusuwifaku kata Lom. Nan kuwoogumuu li aaniil: — Kutuyom, maayeet min ikaanutumuu bukanolaal wah wajakut, mantee foof li múkaaniinamu mata situubawolaal sihaan, li kujokom Yeelusalem kubet li kuŋen kata kata Lom.

Bakaanelabu 28:25

Muñeˈe li kulako li kuyiisoo buko bayilaat kujamoo, Fool li alobiil kulimaku unke: — Buyinumabu Banabaabu bukonkooŋ nan bulobumuu situubawuul sihaan, li butum bata afulofetawu Esay!

Bakaanelabu 7:2

Ecen li aaniil: — Kutuyom li situubawom, jijantenom. Ateemit ata máyiineni, láfuffu’ atuubawolaal ahaan Abulaham, nan alakomuu li etaamayi yata Mesofotami, tówum ajow akin Haalaŋ.

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.

2 Fiyeel 1:21

Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.

2 Fiyeel 2:21

Kuhaasenhaas bútinabu bata macolamu, bale li kubet búsol kulimaku kanabaaku kan kuliikeniilumuu. To untu, kama haŋeene majak boot li buko min kúhaasaati bútinabu umbu bata macolamu.