Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.
Máciya 13:21 - Jola-Kasa Bale emmuu Hulimahu hubajut kuhaa’ li anawu ummu, nan sílaamasu síŋejulumuu, jálaatenaju foof li jíliiŋul mata Hulimahu húji, li ayaan akat bo káyinenaku koola. |
Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.
Awólo, anawu an bakaanelabu búmbaam bootutumuu búji li akat bo káyinenaku koola lí ínje.
Etaamayi yata bagisaabu dán sígulasu silomuu, yo yommuu anawu ayaane ajamumuu Hulimahu Hásuumaahu hata Jáyiiyaju jata Ateemit, li ayab ho li ésuumansuum ló.
Wahawu unwu li úhiliil kúyinenum li Yéesu. Muñeˈe Yéesu li aaniil: — Afulofet áluukeneliiti li etaamayi ban abukimuu, li butoŋool.
Bale nan banakabu bulumulumuu, sígulasu li sísulo min sisay, mata siyawut kuhaa’ káloyiye.
Nan kúliiŋumuu bata Huyuuyahu hata unuunukenawu waaneyimuu Olíibiye, Yéesu li aan kúgoomaku koola: — Li ehukaayi inye, wahawu wammuu li ubajom fan újiwuul foofuul feh li jikat bo káyinenaku kan jibajumuu lí ínje, mata kikkiic kaanaku: «Fan itek amataawu imuk, min kúgalalaanaku kata bumatabu kuyiisoo.»
Fiyeel li aanool: — Manoo kaabuku feh kukat bo káyinenaku kan kubajumuu li awu, ínje let ikaan mo.
Bale emmuu kukatut Hulimahu min huya kuhaa’ kalite li buko, li kúyinen li ho jatit bale. Muñeˈe nan sílaamasu síliiŋulumuu li jálaatenaju mata Hulimahu húji, li kuyaan kukat káyinenaku kooliil.
Etaamayi yata bagisaabu, yo yommuu bukanabuku kajamumuu Hulimahu hata Ateemit ban, li kuyab ho li ésuumansuum. Bale huyawut kuhaa’ li buko, min kúyinen maa jatit, li kukat bo káyinenaku kooliil nan sílaamasu sibilumuu.
Yéesu li aaniil: — Li mal̥egenamu fan ilobuul: min joonomuu li huŋesom let mata min jijukumuu búhiisenum bájaahaleniye, bale mata min jitokoñumuu kúmbuuluwaku jijow jifooñ.
Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.
Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.
Li mal̥egenamu, utey búkut, uteyut búkut, bajut jáliiŋ yanooyan. Wahawu wabajumuu jáliiŋ, wo wommuu min Ateemit akaani ulako búwuwenum buwunkul.
Lil̥awel̥aw loon muñaˈa, mantee Kilisita li akin li uyinumawu wooluul mata káyinenaku kooluul li akila kúji. Lil̥awe mantee li jibaj kuhaa’ kalite li húbooliyahu hooluul ban li jilit li ho,
Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul.
Loon uhaasumuu, bukanabuku feh kata etaamayi yata Aasi kubetombet búsol, ban Fiseel li Elimosen bukomuu.
Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.
Alolaal foofolaal feh lutilenaaletilen ñameeŋe alolaal li elob. Nokoomuu loon baje an áliimooleliit akila li elob, anawu ummu an anabe. Lakankaan an ayilo foof ajokoo foofool feh.
Wahawu unwu feh boot li bukuluul, jan Ateemit afooyemuu li sembaasu soola humum hata káyinenaku, boot li kafakaku kooluul, kaano tomuu boot min bil Ateemit áhiis ko li hunakahu húbanumahu.
Lihaase tay lukine: to efenjeŋayi yata jáyiiyaju jata Sayitaane yommuu. Lútuutuk to lit lí ínje, ban ukatut bo káyinenaku kan ubajumuu lí ínje, maayeet nan Antifaas alobemuu bukanabuku múmbaam li mal̥egen, kumukoolumuu booluul tan Sayitaane akinumuu.