— Jihaase joon taate kunak kúl̥uba kagaanaku kata Faakayi fan abeti li kuŋen bukan min kubaaŋool li ekuluwa.
Maak 14:41 - Jola-Kasa Muñeˈe nan Yéesu álaañulumuu búhaajutabu, li aaniil: — Kama jiloŋe li jímooli min jiyool̥o? Muñeˈe fite! Ewaatuwayi éliiŋe. Añool-An kubetool kuban li kuŋen kata kuhoofoola. |
— Jihaase joon taate kunak kúl̥uba kagaanaku kata Faakayi fan abeti li kuŋen bukan min kubaaŋool li ekuluwa.
Muñeˈe Sudaas Isikaaliyot, ammuu akee li kúgoomaku, li ajow ajuk huhaanaahu hata élambaayi mantee li abet Yéesu li kuŋeniil.
Nan kubahumuu min kulako hutiñahu, Yéesu li aaniil: — Li mal̥egenamu fan ilobuul, akee li bukuluul áamimee hutiñ dín dáno lí ínje, fan abetom li kuŋen bukan.
Yéesu li ayinno bo lóyi jakee, li ákuntuŋ min aŋa’ buulool aya teetaam, min al̥aw kaanaku nokoomuu loon kayiliyeenuma, ewaatuwayi inyu yata sílaamasu li ewuj wah bakaanutool.
Nan abanumuu kal̥awaku, li amit álaañul áliiŋul, li atook kúgoomaku buko li kámooli, mata kámooliyaku kujokiijok ŋáa’ gay kuyilaat kuluuj. Kuhaasut buu kóomi li kulobool.
Yéesu li amit aan: — Bukuluul jihaase min jikaanemuu min jihoy eluwaayi yata Ateemit, mantee li jiyili jijok múkaaniinamu mooluul jak!
mata lanaanaak aliiken kúgoomaku koola aaniil: — Añool-An fan abeti li kuŋen bukan min kumukool. Bale aketumuu jow baj kunak kúhaaji, fan ayitowumul li eketayi.
Yéesu li afamen aan: — Muñeˈe yaalom eteke ŋáa’. Waa liyilo ilob? Een fíle: Faafa ufakenom li sílaamasu sammuu li sibajom li ewaatuwayi inye? Bale sílaamasu unsu sata ewaatuwayi inye síjimuu li ibil.
Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.
Muñeˈe li kuŋeseen min kujok Yéesu, bale an ajokutool, mata ewaatuwayi yoola yo báliiŋolut.
Yéesu li alob kulimaku unku nan alakomuu buliikenabu bata ésukayi li Eluufayi yata Ateemit, tan bukanabuku kusenemuu bujuuñakabu. An ajokutool, mata waatuwayi yoola báliiŋolut.
Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.