Hulimahu Hásuumaahu loon Lík akiic homuu 1:49 - Jola-Kasa Mata Ateemit ata Sembe lakankaan wah wáamak boot lí ínje. Kajawaku koola kuñawo. |
Mal̥egen Yéesu li akat wo min ujow. Uyinumawu wajakutumuu li uyaan úfulul li ánayinaawu ujow újufo sifulugunasu. Bumatabu bubaje sifulugun salehene sínjunne soono síl̥uba. Sifulugunasu unsu feh, li siyaan síwubbenoolumul haatiya hulijahu, siliiŋowul sijow silo li húwajahu, min síjim dó feh.
Mata Ateemit lawayil̥owonwayil̥o, ínje jahine emmuu alokaawu oola. Mó mújimuu, kítum hunakahu hata síyaat, bukanabuku feh fan kunaak koonom: «áwolo, Mali».
Ateemit layilo akaan wah wahaŋe ŋáa’ wahawu wan ul̥awaalemuu li wan uyinoolaalemuu, ban lákaanumekaan wo li sembaasu soola sammuu li bulok li uyinumawu woololaal.
Ayi aatut ákoliyi, Amaaŋen? Ayi aatut asal kajawaku kooli? Mata awu bale unabe. Bukanabuku kata sihetasu feh fan kubil kumaneni, mata buko feh kujuke buu makaanelamu mooli mucolumuu.»
Wahawu unwu ubakii, wanoowan li wo ubaje ubey woono hutok li kano wabaje kúkil tanootan, kata láala li tíyaŋ. Li unaak ukijen etihunaka uban ehuka woon: «Anabaawu, anabaawu, anabaawu, okila ammuu Amaaŋenawu Ateemit ata sembe, Akila alako to nomuu, áami tomuu, ammuu li abil!»