Maak 5:13 - Jola-Kasa

¹³ Mal̥egen Yéesu li akat wo min ujow. Uyinumawu wajakutumuu li uyaan úfulul li ánayinaawu ujow újufo sifulugunasu. Bumatabu bubaje sifulugun salehene sínjunne soono síl̥uba. Sifulugunasu unsu feh, li siyaan síwubbenoolumul haatiya hulijahu, siliiŋowul sijow silo li húwajahu, min síjim dó feh.

Maak 5:13 Referencias Cruzadas

Máciya 7:6

«Jakum jisen wah wañawo bukanabuku kajakutumuu, kanokoomuu loon sijangi, jakum bil kúlaañul kukaanuul majakut. Jakum foof jiŋa’ usisawu wooluul jitahen bukanabuku kanokoomuu loon sifulugunasu, jakum bil kúkakul wo.

Máciya 8:32

Yéesu li aan uyinumawu wajakutumuu: — Jijow! Mal̥egen uyinumawu wajakutaawu li úfu’ ujow újufo sifulugunasu. Bumatabu foof bo feh li búwubbenoolumul haatiya hulijahu buliiŋowul bujow bulo li húwajahu, min sifulugunasu síjim dó li malamu.

Maak 5:12

Uyinumawu wajakutumuu li uyaakoo Yéesu woonool: — Ubonket úkatoli min jijow jíjufo sifulugunasu unsu.

Maak 5:14

Muñeˈe kánayinaabuku kalakomuu humatahu hata sifulugunasu, li kutey kujow kúhebul kakinumuu li ésukayi li kakinumuu li bujalabu umbu. Bukanabuku kata ésukayi li kujow kujuk wahawu wabajumuu.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

1 Fiyeel 3:22

Kilisita lajowujow boot li emitayi ajow aano kaŋen kúli kata Ateemit, min áaki li kuŋenool kumalakaaku, kuhaanaaku li sembe sanoosan feh.

Búhiisenumabu 20:7

Nan simitasu énjunnaayi sommuu li siban, Ateemit fan ákatenul Sayitaane li hukul̥ahu,

Búhiisenumabu 9:11

Ayíiyawu ata bo akila ammuu amalakaawu ata buwokaayabu básenkiyaabu. Amalakaawu ummu laaneyi li elobayi yata éebulo «Abadoŋ», li elobayi yata kata Gilees koonewool «Afoliyoŋ».