Boot kahiiten kammuu li emoocayi li kammuu li élimayi yata eketayi, boot kájowetumolaal li bútinabu bata kásuumaayaku.
Kata Efées 2:14 - Jola-Kasa Li mal̥egenamu, Kilisita okila humumool ájimuu li ubajaal kajamoo. Okila akaanumuu min kusuwifaku li bukanabuku kaletumuu kusuwif, kulako bukan kano. Li aket min áhoolul huteefahu hágaatulooliilumuu, li áfulen búlatoolabu babajeenumuu li buko. |
Boot kahiiten kammuu li emoocayi li kammuu li élimayi yata eketayi, boot kájowetumolaal li bútinabu bata kásuumaayaku.
«Máyiineniyamu mujow mulako mata Ateemit ata haatiya tiya emitayi, ban kásuumaay kujow kubaj li etaamayi li bukanabuku kan afañumuu!»
Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.
Ban inti boot li Kusuwifaku baleyiil, bale Yéesu laate aket boot foof li bañiilabu bata Ateemit bayiisoomuu boono tanootan, min áwoogenuliil akaan tin tano min kulako an ano.)
Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.
Fiyeel li aaniil: — Jihaase joon bútinabu bata Kusuwifaku búhihhi min asuwif kujokoo hubuke li an alet asuwif, mantee foof li anoken boola. Bale ínje Ateemit láhiisonhiis kaanaku eetut ijok an loon ajakut, mantee foof loon asetut.
Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.
Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.
Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.
Li eketayi yoola láfulenummuu uŋoonawu feh wata kusuwifaku walakomuu li Eluwaayi yata Móyiis, min akaan kusuwifaku li bukanabuku kaletumuu kusuwif kulako bukan kano kawunkul li hujokoolahu hooliil li akila. Muñowu lakaanumuu min kajamoo kubaj li buko.
Kilisita labiibil min awaale Hulimahu Hásuumaahu hata kásuumaayaku, bukuluul jáloyiyeenumuu Ateemit li bukanabuku kafimmuu min kukoojool.
Kilisita lakankaan bukanabuku koola feh kujokoo, loon kuŋaw kujokemuu síŋullum sata eniil yata an kukaan tin tano. Wahoowah li eniilayi ukaanumuu bulokabu bata wo loon wóotimuu ukaan bo, eniilayi foof yo feh fan yank min ebaj sembe. Muñowu nokoomuu li ejanguwayi. Anoowan áami ló áboolimuu afaalool, ban li akaan bulokabu boola, ejanguwayi fan yank jak li búlambenum bata sembaasu sata Kilisita.
min wahawu feh újamoolum li Kilisita, ban boot li Ateemit akila humumool. Li húsimahu hata Añoolool háyuwimuu li ekuluwaayi, Ateemit ákaanummuu min kásuumaay kubaj li wahawu feh, lako wahawu wammuu li etaamayi, mantee foof wammuu li emitayi.
Kaanumuu loon bukuluul jiketooketoo li Kilisita, min jífu’ li makaanelamu mata uyinumawu wata adunaayi, wáa lí újiwuul li jinaak jiloŋ loon eenimuu li kuŋen adunaayi joom? Wáa újiye li jinaak jikaan loon adunaayi elobumuu:
Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.
Abulaham li asenool bújufabu bata wahawu feh wan áŋalulo bómuu. Kajawaku unku Melikisedek, yo yommuu «Ayíi ata macole». Melikisedek áyii ata Salem foof lalakowe, yo yommuu «Ayíi ata kásuumaay.»