Hulimahu Hásuumaahu loon Saŋ akiic homuu 4:8 - Jola-Kasa

(No unnu, kúgoomaku koola buko bajeˈe li ésukayi húnoomul mutiñaay).

Hulimahu Hásuumaahu loon Saŋ akiic homuu 4:8 Referencias Cruzadas

Hulimahu Hásuumaahu loon Lík akiic homuu 9:13

Bale Yéesu li aaniil: — Jiseniil bukuluul humumuul kutiñ. Kúgoomaku li koonool: — Kúmbuulu hutok li muwol múl̥uba bale jooke. Kama yo yommuu min jijow jínoomul mutiñaay boot li búsukabu umbu feh.

Hulimahu Hásuumaahu loon Saŋ akiic homuu 2:2

Kúhooñuuhooñul foof Yéesu li kúgoomaku koola kubil búyabowabu.

Hulimahu Hásuumaahu loon Saŋ akiic homuu 4:27

No unnu, kúgoomaku kata Yéesu li kúliiŋul. Li kusego ŋáa’ nan kujukumuu Yéesu li elob li anaale. Bale anoowan li buko akaañenut agel̥l̥enool aanool: «Waa lufañe li akila?» Mantee foof: «Wáa újiye li oono li elob li akila?»

Hulimahu Hásuumaahu loon Saŋ akiic homuu 4:39

Bukan kameeŋe káfulumulo li etaamayi yata Samali li kúyinen li Yéesu, mata anaalaawu laaniisaan: «Anáyinaawu ummu lalobonlob wahawu feh wan ikaanumuu.»

Hulimahu Hásuumaahu loon Saŋ akiic homuu 4:5

Muñeˈe Yéesu li alako ejowayi, li áliiŋ li ésuk yakee yata Samali yan koone Sicaal, yakooje eŋamayi yan Sakob asen nomuu añoolool Suseef.

Hulimahu Hásuumaahu loon Saŋ akiic homuu 4:7

Anaale akee áfulumulo Samali li abil káyij mal. Yéesu li aanool: — Usenom mal ihob.