Hulimahu Hásuumaahu loon Saŋ akiic homuu 4:18 - Jola-Kasa

Lukooŋe, mata li mal̥egenamu kánayine hutok lubaje, ban ánayinaawu an ookumuu muñeˈe alet áyini.

Hulimahu Hásuumaahu loon Saŋ akiic homuu 4:18 Referencias Cruzadas

Maak 10:12

Li bil nokoo loon anaale ajoke min ábalo bata áyinool, min ajow ayabo li ánayine akee, hákil ánayinaawu átinaalawu, anaalaawu ummu lahintohinto li ánayine alet oola.

Hulimahu Hásuumaahu loon Saŋ akiic homuu 4:16

Yéesu li aanool: — Ujow úhooñul áyini min úlaañul boot taate.

Hulimahu Hásuumaahu loon Saŋ akiic homuu 4:17

Anaalaawu li aanool: — Ibajut ánayine. Yéesu li aanool: — Lukooŋe min oonumuu ubajut ánayine.

Hulimahu Hásuumaahu loon Saŋ akiic homuu 4:19

Muñeˈe anaalaawu li aan Yéesu: — Anahaan, lijuke een awu afulofet loom.

Kata Lom 7:3

Mó mújimuu, kama anaale ayabowe abajumuu ánayine akee, ban áyinool an kufimmuu min kuyabowe okila li buloŋ, anaalaawu ummu fan ajoki anaale ahintowe li ánayine alet oola; bale áyinool aketumuu, láfule li kuŋenaku kata eluwaayi inyu. Layilo ayabo li ánayine akee, ban let lako lahintohinto li ánayine alet oola.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.