Filat lagel̥l̥eniigel̥l̥en loon muñaˈa mata lahaase jak aan batahaay bújimuu li kubet Yéesu li kuŋenool.
Bakaanelabu 17:5 - Jola-Kasa Bale Kusuwifaku li kutahaay ŋáa’. Li kujow kúŋalul kújos kál̥afute, kalakowemuu li útinawu, kubil kúkiŋul búsukabu min kukaan ésukayi éguul̥oo feh. Li kubil boot bata Saasoŋ huŋes Fool buko li Silaas, boot min kujokiil kukaan hákil búsukabu. |
Filat lagel̥l̥eniigel̥l̥en loon muñaˈa mata lahaase jak aan batahaay bújimuu li kubet Yéesu li kuŋenool.
Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.
Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.
Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.
Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.
Emmuu kutookutiil bo, li kújokul Saasoŋ li kukee káyinene, kújowetum jow kusen kunahaanaku kata ésukayi, ban li kunaak kulob butiya koon: — Kánayinaabuku umbuku kúgugguul̥ etaamayi feh, ban muñeˈe kuŋejulo baabe!
Saasoŋ li ayabiil boola! Bukanabuku umbuku feh kúhooguuhoogul siluwaasu sata áyiiyawu áamakawu, mata konsoon baje áyii akee an koone Yéesu.
Muñeˈe Saasoŋ li kaabuku káyinenumuu li kukomen kucaam kunahaanaku min kukit kukateniil.
Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,
Ban li mal̥egenamu ubanutumuu li ujukelaal to, kata Lom fan kóonul lúhoogulaahoogul eluwaayi, mata wahawu wabajumuu síyaat úji. Mata bajut wah wan óomi li uŋalaal min ukittenaaliil kaanaku, wó újimuu huwoogahu unhe li hubaj.
«Bale situubawolaal sihaan li sitiga Suseef, min sijokool sinoom bukan, min kújowetumool boot Ejíf kujow kukaan amiikeel. Bale Ateemit li alako li akila.
Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.
Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu?
Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom.
kásiibo wah, kákaliyenoo, kawuuhen, li wahawu feh wanokoomuu li wo. Boot min ilobuul ikat to, loon ilobeenuulumuu, bukanabuku kakaanemuu wahawu unwu, let kutowo Jáyiiyaju jata Ateemit.
Jakum utebenaal ubandolaal, ban jakum unaak úgecoolaal. Jakum foof an li alolaal abaj wah, afaalool li atii.
Jinannab li bakaanelabu bóololi li bata Amaaŋenawu mata jiyayyab hulimahu li sílaam sáamak, bale foof li ésuumansuumayi yan Buyinumabu Banabaabu busenemuu.
Jakum jiyinoo li joon Bakiicelabu umbe buhinhin bulob bukaal̥o boon: «Ateemit lafanfañ li batahaay ló Buyinumabu ban akaanumuu li alolaal.»