Bakaanelabu 18:12 - Jola-Kasa

¹² Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

Bakaanelabu 18:12 Referencias Cruzadas

Máciya 27:19

Muñeˈe nan Filat abahumuu tan kutiibemuu bukanabuku, aseekool li áhebenul kubil koonool: «Jakum unoken li elobayi yata ánayinaawu ummu akaanutumuu wahoowah, mata síyaat li hukahu lílanlaam ŋáa’ li sísaahut mata akila áji.»

Hulimahu Hásuumaahu loon Saŋ akiic homuu 19:13

Muñeˈe nan Filat ajamumuu kulimaku unku, li alob min kúfuletum Yéesu tíyaŋ, ban li ajow abah li ébahumayi yata batiibabu, tan koonemuu «Kañum Hugisa», (kaaneyimuu «gabata» li elobayi yata Kusuwifaku.)

Bakaanelabu 13:12

Nan águubelunaalawu ajukumuu wahawu wabajumuu, li áyinen li Yéesu, mata kulimaku kan kuliikenoomuu mata Amaaŋenawu kugoloogo’ ŋáa’.

Bakaanelabu 13:50

Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil.

Bakaanelabu 13:7

Anáyinaawu ummu bata águubelunaalawu an koonemuu Sélusiyus Fáwulis lakine, alakomuu ánayine atuukowe. Agúubelunaalawu li áhooñul Balunabaas buko Sóol, mata lafanfañ min ajam Hulimahu hata Ateemit.

Bakaanelabu 13:8

Bale ájangafayindaawu Elimaas (loon kuhooñewoolumuu li elobayi yata kata Gilees), afañut ajuk Balunabaas buko li Sóol, li alako huŋes min áhi’ águubelunaalawu áyinenum li Yéesu.

Bakaanelabu 14:19

Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.

Bakaanelabu 14:2

Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.

Bakaanelabu 17:13

Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.

Bakaanelabu 17:5

Bale Kusuwifaku li kutahaay ŋáa’. Li kujow kúŋalul kújos kál̥afute, kalakowemuu li útinawu, kubil kúkiŋul búsukabu min kukaan ésukayi éguul̥oo feh. Li kubil boot bata Saasoŋ huŋes Fool buko li Silaas, boot min kujokiil kukaan hákil búsukabu.

Bakaanelabu 18:11

Fool li alako li ésukayi yata Koolent emit li kul̥eeñ hutok li hano, min anaak aliiken bukanabuku Hulimahu hata Ateemit.

Bakaanelabu 18:27

Fúlum tó, Afolos li abaj kayinoo kata ejow boot li etaamayi yata Akaay. Kutuyool kata káyineniil kano li kuwankulenool, ban li kukiic eleetal kuboñ bukanabuku káyinenumuu kata etaamayi inyu, bánum li kuyabool jak. Nan áliiŋ bómuu, li alamben ŋáa’ bukanabuku káyinenummuu li káji kata Ateemit,

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 25:10

Fool li aanool: — Li hutiibahu hata áyiiyawu áamakawu leem, ban to lemmuu li itiibi. Ikaanut Kusuwifaku wah ukee wajakut, loon awu humumi uhaas yomuu jak.

Kata Lom 15:26

Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

Kata Lom 16:5

Jisaafom foof bukanabuku kata ejanguwayi yammuu li eluufayi yooliil. Jisaafom Efenet an íboolimuu ŋáa’. Okila ajandumuu feh áyinen li Yéesu Kilisita li etaamayi yata Aasi.

1 Kata Koolent 16:15

Manooman jihaase Sitefaan boot li butoŋool ló. Jihaase foof kaanaku li etaamayi yata Akaay, buko kujandumuu kúyinen li Yéesu Kilisita, ban li kunaak kulok boot li bukanabuku káyinenumuu li Yéesu Kilisita. Kutuyom, ínje ummu li kal̥awuul,

2 Kata Koolent 1:1

Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.

2 Kata Koolent 11:10

Boot min ílobum li mal̥egenamu mata Kilisita ammuu lí ínje een: bajut an áami li áhilom ísaloolowum li halaabahu feh hata etaamayi yata Akaay.

2 Kata Koolent 11:26

Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom.

2 Kata Koolent 9:2

Lihaase buu jikaan tomuu uyinumuul li kalambenaku, ban li isaloolo humum hooluul hákil kata Maseduwaan, min eeniil: «Kutuyolaal kammuu li etaamayi yata Akaay, kábilum hútiim kufaleˈe boot kasen.» Kahankenaku kooluul kújiji bukan kameeŋe li buko li kufañ min kusen.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.

Saak 2:6

Bale bukuluul li jisuuwen asukateenawu! Inti bukanabuku kammuu kusaanum buko kúlaatenewuulumuu, ban li kuñakuul kújowetum ban tiibemuu?