«Injé emmuu búbiiñabu, bukuluul li jóomi kulundaku. An alakomuu lí ínje, ban ínje li ilako li akila, fan abaj ebukoolum yameeŋe. Mata jiyilaat jikaan wahoowah ínje balambenutuul.
1 Kata Koolent 3:7 - Jola-Kasa Mó mújimuu anawu al̥ukumuu li anawu aloosemuu kulet wahoowah, bale Ateemit akaanumuu min l̥iil, akila ammuu wah. |
«Injé emmuu búbiiñabu, bukuluul li jóomi kulundaku. An alakomuu lí ínje, ban ínje li ilako li akila, fan abaj ebukoolum yameeŋe. Mata jiyilaat jikaan wahoowah ínje balambenutuul.
Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.
Anawu al̥ukumuu kulele buko li anawu aloosemuu. Ateemit fan acaam anoowan li buko le li bulokabu ban akaanumuu.
Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.
Li aanom: «Kájiyaku kúmbaam kufiti, mata li búgooto bata an sembaasu súmbaam sijukeyimuu.» Boot kama min isaloolo mata búgootowabu búmbaam, bájum sembaasu sata Kilisita li silako lí ínje.
An ayinoomuu li aan akila an áamak laam, ban kama alet wahoowah, anawu ummu okila abuntoolowe.