2 Kata Koolent 12:9 - Jola-Kasa

⁹ Li aanom: «Kájiyaku kúmbaam kufiti, mata li búgooto bata an sembaasu súmbaam sijukeyimuu.» Boot kama min isaloolo mata búgootowabu búmbaam, bájum sembaasu sata Kilisita li silako lí ínje.

2 Kata Koolent 12:9 Referencias Cruzadas

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

1 Kata Koolent 10:13

Sílaamasu san jibajumuu, so foof kukee kubajemuu. Bale Ateemit álobeliit aban li añak alaañ búsol, ban let akat min jilo li sílaam sahaŋuul sembe. Nan sílaamasu sommuu li jilowuul, fan asenuul sembe min jiyili jímuñ, li asenuul foof bútin min jífu’ lí só.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

1 Kata Koolent 2:5

Mó mújimuu, káyinenaku kooluul kuhajowut li bújallo bata bukan, bale li sembaasu sata Ateemit kuhajowe.

2 Kata Koolent 11:30

Nokoomuu loon boot min isaloolo, kama fan isaloolo mata búgootowabu búmbaam.

2 Kata Koolent 12:1

Leete kama isaloolo, maayeet min bajut tomuu jáliŋ yanooyan. Muñeˈe boot min ilob mata uhimmowawu li wahawu wan Amaaŋenawu áhiisommuu.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 12:5

Injé fan isaloolo mata an loon ummu. Bale let isaloolo mata ínje humumom, mantee yo yommuu mata búgootowabu búmbaam.

Kata Efées 3:16

Láyiineniyiineni ŋáa’ ban li abaj úsooniyen wáamak. Wahawu unwu újimuu lil̥awool mantee Buyinumabu boola li busenuul sembe min uyinumawu wooluul ulit.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

Eébulo 11:34

li kuhok sambun sabaje sembe, li kufak li eket yata síkundu. Kúgootoyengooto bale li kubil kulako bukan kata sembe. Li kulako kúl̥ank li hutiik, ban li kuyintoo kutiika káami ejawoola booliil.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.