Juízes 16:14 - Kaxinawá Bíblia (BR)

ha hi kupawẽ maiki seukĩ mestẽhairawatã ana hui kushipawẽ kenakĩ yuikĩ: —Sansãonẽ, ma mia atxinũ ika mianu Filisteu nawabu bekanikiki— aka besteĩ benikauãkĩ ha hawẽ seua betsekĩ ha haki bu timakĩ mestẽwãshu nasa keyuaya

Juízes 16:14 Referencias Cruzadas

Juízes 16:13

shaba betsatiã meshu huaya Dalilã ana Sansão beparãkĩ yukakĩ: —Haskakĩ ea yui pewama txanitxakakĩ mĩ ea parãkubainai? Ea yuiwe. Tsuã haska watã mia nea pewatirubumẽ?— aka ana parãkĩ yuikĩ: —Ẽ bu pashkakĩ 7 pikũtã batxi timakĩ ha ẽ bu tibi mĩ kapikũshu mistutã haki ea timakubaĩkĩ mestẽwãtã haska watã hi kupa kenuwẽ maiki seukĩ mĩ hawẽ ea mestẽwãtiruki. Mĩ ea haska wa ẽ kushipa ẽ benutiruki, huni kushipa mirĩ keskairã— aka Sansão ushãshũ hawẽ bu pashkakĩ 7 pikũwãtã batxi timakĩ hawẽ bu pikũ mistutã timakubaĩkĩ menetã

Juízes 16:15

haska wai uĩtã Dalilã ana yuikĩ: —Mĩ ea beparani txanitxakai ikaii. “Ẽ mia betxipaihairaii”, ibiakĩ shabakabi mĩ ea yuiama ikũkainaii. Dabe inũ bestiki mĩ eki kasheaii. Hania mĩ kushipa huai mĩ ea yuiriamaki— akĩ