Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.
Isaías 53:8 - Kaxinawá Bíblia (BR) Hawama nibiakẽ txaniwẽ taeshũ ha huni bitxiaibũ ha huni tsuã nemakanãshunama inũ hanu iyuaibu tsua hawẽ nuiama ishanikiki. Na mai anua ha huni betsekĩ akawakinã, atimas tenãkĩ enabũ txakabuwẽ taeshũ kupishãkanikiki. |
Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.
Hawẽ tsuma pepa hawẽ hiwea hawa yaushiama mawashanaiwẽ taeshũ Deusũ duawakĩ hawẽ tsuma kushipa betsabube manakukĩ ha hawẽ tsuma duahairawashanikiki. Huni txakabu keska wakĩ txitebiaibũ yurabũ txakabu itxapa buashũkĩ habũ txakabuwamisbu hatu ea ashũshanaiwẽ taeshũ pepa bestiwẽ Deusũ manakushanikiki.
Nũ atimapai txakabumiswẽ taeshũ ha huni nukuwẽ taeshũ txatxikĩ pixpe ashãkanikiki. Nukũ txakabuwẽ taea ha txakabumis keskakĩ nuku teneshũshanikiki. Ha itxakawabu nuitapabiakinã, unanuma hiweti nuku kaĩmashũshanikiki. Ha yumãwãkĩ deteabuwẽ taearã, nukũ yurarã, isĩ hayamai kayashanikiki.
Deusbe nukunabu hãtxashunika shanẽ ibubũ yuikĩ: —Txani txakai: “Ẽ Deusũ bakeki”, imiski. Deusũ hãtxa Moisés nuku keneshuni nũ hayaki. Haskawẽ taeshũ Deus yuãkĩ kanemiswẽ taea nũ yunuaiwẽ taearã, hau mawanũwẽ— aka
Hanushũ itxakawakĩ nuitapawabu hawa yuiamakẽ tsua hawẽ nuikĩ merabewamari iniki. Haska wakĩ bakeuma tenãbu tsuã hanishũ hawẽ bababukiri hakiri hãtxatirubumaki, haska wakĩ hawẽ hiwea mebĩkĩ mai anua mesha keska wakinã’, akĩ yuishuna
Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.
Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.