Hechos 20:12 - Kaxinawá Bíblia (BR) berunã kawana ana hiwea iyui dasibi benimahairai inũ buaibũ Kashinawa : Diosun Jesúswen taexun yuba bena yiniki bedunan kauana ana jiwea iyui dasibi benimajaidai inun buaibun |
Paulo ana nukube inakaĩ Jesus nuku mawashuni xinãmati misi tũkeshũ nuku pimatã ana nuku yusĩ nukube hãtxaxini ma shabaya hãtxa menetã nũ kaya
hanua Paulõ nuku dukũ nuku nitxiã niwe shashuwẽ kai Assôs mae anu bebũkiri nũ kanũ Paulõ nuku yunutã hanua nuku yuikĩ: —Shashũ buãtãkãwẽ, ẽ kapakeairã, haria ea ibaĩkashunã— nuku wa niwe shashu ewapawẽ kai
Hamapai tibi mei nũ bika teneaya Deusũ nuku daewakĩ nuku benimawamiski. Nuku haska wamiswẽ taeshũ Jesus Cristo ikũwaĩ betsabu hawara mei bika tenei huĩti nixmaibu Deusũ ma nuku merabewamiskẽ hatuwẽri nuikĩ nũ hatu benimawariatirubuki.
Haskawẽ taeshũ haska matuki txanikĩ nenu ebe maniabu inũ ekiri hãtxakĩ hau matu xinã txãkãwaĩ kanũ nukũ haibu matu anu ẽ nitxiaiĩ.
nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.
Haskawẽ taea na yusĩa hãtxa nĩkai ana hawa dateama xinã txãkaĩ hatube benimanamerikubaĩkãwẽ.
Haskawẽ taea ana Jesus ikũwãkubaini heneama betsabube benimai kuxipanamekubaĩkãwẽ, mã ma ikũkaĩmis keskai heneamarã.
Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.
Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.