Gênesis 27:27 - Kaxinawá Bíblia (BR)

Jacó hawẽ epa dapi kashũ tãtsu akai Isaque Esaú tari itsa shetetã: “Esaúki”, ishũ hawẽ kushipa pepa yunui hakiri hãtxai: “Aa, txanimaki. Ẽ bake iyuatũ itsaki, Senhor Deusũ ni nuku pepawashũmis ni itsarã. Ui imakĩ mai pepa inãkĩ yunu betsa betsapa itxapa inũ uva vinho itxapa inãkĩ Deusũ hau mia duawapakeshanũwẽ. Shukua betsa betsapatũ mia duawaibũ hatũ shanẽ ibukĩ mĩ hatu tsuma wa miki mesepakeshãkanikiki. Mĩ betsa kayabibu mĩ hatu shanẽ ibushunaya hau miki mesekĩ mia duawapakeshanũbũwẽ. Tsuabũra mia yupuaya Deusũ hatu yupuriashanikiki. Tsuara yura betsã mia pepawaya Deusũ hatu pepawariashanikiki”, iwanã,

Gênesis 27:27 Referencias Cruzadas

Gênesis 26:12

Hanua Isaque habianuri hiweyua hatube dayakĩ hawẽ tsumabu yunua bai ewapa washũ shekiwã banaima itxapahaira tsekaibũ Senhor Deusũ duawakubaina Isaque shanẽ ibukĩ hawẽ hawara ana bikubaini hawẽ txashuwã itxapahaira hayai inũ, hawẽ ina awa itxapahairari hayai inũ, hawẽ dayaru escravo itxapahairari hayariai hatube hiwekĩ Isaque hati itxawai shanẽ ibuhairakũkainaya hanua Filisteu nawabũ uĩ kemui yuinamei haki sinatai: —Yuu, ha hunirã, haskai nuku anu huima shanẽ ibuhairakĩ nuku binuimẽkaĩ, mabu itxapa hayairã?— ikaibũ

Gênesis 27:15

hanushũ hawẽ tari hiwe meranu hikikaĩ haya txai katãshina hawẽ bake iyua Esaú tari bishũ hawẽ bake mashku Jacó sawemashũ

Gênesis 27:26

pikĩ akĩ keyutã ana yuikĩ: —Epaã, ana ea dapi hushũ ea tãtsu awe— aka

Gênesis 27:39

ana yuikĩ: “Mai pepa ui imis anu hiweama txai nãta mĩ hiwekũkaĩshanaii.

Gênesis 48:10

Israel ma anibuhairai beshushkĩ ana uĩ peamakẽ José hawẽ bakebu hawẽ epa dapi nitxiã hatu ikutã tãtsu atã

Gênesis 48:15

Israelĩ José dukũ pepawẽ duawakĩ eska wanikiaki. —Ẽ shenipabu Abraão inũ Isaque txibãkubainitũ ha Deusũri ẽ tashnini anua ea mekemis habiatũri txakabu betsa betsapa ea binumamistũ na berunã dabe hau hatu duawakĩ pe hatu hiwemakubaĩshanũwẽ, hau habuwẽ ẽ kena inũ ẽ shenipabu Abraão inũ Isaque kena hau hakimama shinãpakeshanũbunã. Hau Deusũ hatu pa wapashanũwẽ, bake mirima hatu wamakinã. Hau mai hirabi anu hiwei yura mirima habus hau ipashanũbũwẽ— akaya

Salmos 65:10

Miã mai pewakĩ uiwẽ mĩ babuwa dayakĩ tsispubaĩkĩ ukebukũ mãtxĩbainabu namakis ha bai tapiãwẽ hau kanũ ui itxapa mĩ habamamiski. Haska wakĩ mibãbu mĩ hatu duawashũmiski, yunu itxapa hatu inãkinã.

Hebreus 11:20

Ha inũ, Deusũ hawenabu duawashanai Isaquẽ ikũwãkĩ hawẽ bake Jacó inũ Esaú hãtxa pewẽ Deus hatu yukashunikiaki.

Hebreus 6:7

Ha inũ, mai pepa anu ui imakĩ yurabũ yunu banaimabu maĩ yume pewai hanu Deusũ hatu manakumiski.