Gálatas 4:30 - Kaxinawá Bíblia (BR)

Hakia hawara Sarã Abraão yuini Moisés nuku keneshuni matu yuinũ nĩkakãwẽ: “Isaque besti ẽ bakekẽ mĩ dayaru escravõ bake ẽ bakebe ewatã nũ mawaya hau nukũ mabu biama ishanũ menã Agar inũ Ismael hatu nitxĩriwe”, akĩ Sarã Abraão yunukĩ yuiniki.

Kashinawa : Diosun Jesúswen taexun yuba bena yiniki

Jakia jawada Saran Abraham yuini Moisin nuku kenexuni matu yuinun ninkakanwen: “Isaac besti en bakeken min dayadu esclavon bake en bakebe ewatan nun mawaya jau nukun mabu biama ixanun menan Agar inun Ismael jatu nichindiwe”, akin Saran Abraham yunukin yuiniki.

Gálatas 4:30 Referencias Cruzadas

Romanos 11:2

Bebũkirihaira Israelbu habu katukatsis ikĩ Deusũ katunishũ nuku danãma imiskiri matu shabakabi yusĩkĩ hawẽ hãtxa yuishunika pepa Eliaskiri ẽ matu yuiai nĩkakãwẽ. Hawenabukiri hawara Elias Deuski ha ikĩ haki txania hawẽ hãtxa yuishunika betsã keneshũkĩ:

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Gálatas 3:8

Hanua judeubuma dikabibũ hatũ xinã betsa watã hatũ txakabu henetã Jesus ikũwãshanaibuwẽ taeshũ Deusũ unãkĩ hawẽ hãtxa yuishunika Deusũ Yushĩ Pepatũ Abraão kenemashũkĩ yuikĩ: “Deus mĩ ikũwaĩwẽ taeshũ yura shukua tibibu dasibibũ hawẽ bake ikũwaĩbu hiwekuĩmakĩ Deusũ miwẽ taeshũ hatu duawashanikiki”, aniki.

Gálatas 4:22

Hakia Moisés keneni uĩkĩ ha Abraãonẽ huni bake Ismael inũ Isaquekiri nũ uĩmis matu yuinũ nĩkairakãwẽ. Abraãonẽ aĩ Sara hau dayashũkũkaĩnũ peiwẽ Agar bikĩ hawẽ dayaru escravo wabianishũ hanubi aĩwãriatã haki Abraãonẽ bakewa hawẽ bake Ismael hawẽ yubakati hayama kaĩnikiaki. Hakia Abraãonẽ hawẽ aĩ Sara peiwẽ biama aĩ kayabi wani Deusũ merabewaya Sara yushabuhairabiakẽ hawẽ bake Isaque haki bakewaima kaĩrianikiaki, haska Deusũ Abraão bebũkiri yubani meneirã.

Gálatas 4:31

Haskakẽ natiã ẽ betsabu inũ ẽ puibuũ, Moisés yusĩawẽ hawãra nuku ibu wakĩ amamisrã, hawẽ escravo keska ana iyamakãwẽ. Hakia escravo keskama Abraão hawẽ bake kayabi yubani keska ikubaĩkãwẽ, tsuã tsumamarã.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.