Efésios 6:22 - Kaxinawá Bíblia (BR)

Haskawẽ taeshũ haska matuki txanikĩ nenu ebe maniabu inũ ekiri hãtxakĩ hau matu xinã txãkãwaĩ kanũ nukũ haibu matu anu ẽ nitxiaiĩ.

Kashinawa : Diosun Jesúswen taexun yuba bena yiniki

Jaskawen taexun jaska matuki chanikin nenu ebe maniabu inun ekidi janchakin jau matu shinan chankanwain kanun nukun jaibu matu anu en nichiaiin.

Efésios 6:22 Referencias Cruzadas

Filipenses 2:19

Nukũ Shanẽ Ibũ haska xinãyã matu anu Timóteo yunukatsi haska ẽ xinaiĩ, hau matu nĩkatãkĩ matũ kaka beshũ ea benimawayushanunã.

Filipenses 2:25

Ha dikabi ha dabe ẽ hatukiri xinaĩnã, nukubetã ikũwaĩ Epafroditõ hau ea merabewanũ mã eanu nitxĩma ea merabewai ebe dayai bika tenekũkainai Cristokiri kakape yusĩmis ana matu anu ẽ nitxĩyukatsis ikaii.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

2 Timóteo 4:12

Nukũ haibu Tíquico Éfeso anu ẽ yunuyuaii.