1 Samuel 9:21 - Kaxinawá Bíblia (BR)

Saulũ kemakĩ yuikĩ: —Israelĩ enabu shukua betsa Benjamimnẽ enaburã, enaburiki. Nũ itxapamaki, eskarabesrã. Ha inũ, Benjamimnẽ enabu betsa ẽ epã enabu shukua nũ itxapamariki. Haskakĩ mĩ haskakiri ea yuiai?— aka

1 Samuel 9:21 Referencias Cruzadas

Lucas 14:11

Habiaskari wakĩ tsuara ibubis kẽmis Deusũ dake washanikiki. Hakia tsuara ibubis keĩsma Deusũ kẽwãshanikiki. Nĩkairakãwẽ— iwanã,

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

1 Samuel 10:27

hakia hãtxa txakabukĩ yuãmisbũ yuikĩ: “Hatũ nuku mekekĩ yunushanaimẽkaĩ, ha huninã?” akeakekĩ danãkĩ hawẽ kẽwãti inãkuĩti bushuãbuma unãbiakĩ Saulũ hawa yuiama inikiaki.

1 Samuel 14:51

Abielĩ bake daberã, Ner inũ Quis inibukiaki. Quisrã, Saulũ epa inikiaki.

1 Samuel 15:17

Samuelĩ ana yuikĩ: —Ibubis mĩ haska hayatiruma mĩ shinãbiaya nĩkamas Israelĩ enabu mĩ hatu shanẽ ibuhairashunũ Senhor Deusũ mia katuima mĩ shinãma ishiãmẽ?

1 Samuel 18:18

hakia Davĩ kemakĩ Saul yuikĩ: —Shanẽ ibuhairatũ dais ẽ itirumaki. Earã, ẽ hawaumaki. Ha inũ, Israelĩ enabu anua enaburi hawabumaki. Haskabiakẽ mĩ bake mĩ ea bimakatsi ikai ẽ bitiruki— aka

1 Samuel 18:23

Saulũ dayarubu Davi anu bushũ habias hãtxa yuiabu hakia Davĩ hatu kemakĩ: —Shanẽ ibuhairatũ dais ikũkaini bikama dabanẽ mã shinaĩ? Haskai nuitapabiai ẽ shanẽ ibũ dais itirumẽ? Ẽ mitanumaki— hatu wa

1 Samuel 9:22

hawa kemama hatu iyui mati anu mapekekaĩ hanushũ piti hiwe wanibu anushũ piaibu anu Saul inũ hawẽ dayaru bitxishũ 30 hunibu namakis shanẽ ibuhairatũ tsauti anu hatu tsaumatã