hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.
1 Coríntios 6:3 - Kaxinawá Bíblia (BR) Deusũ nai tsumabũ hawara txakabuwanibu nũ hatu unãti washanaiwẽ taeshũ Jesus ikũwaĩbu ha ikaibu txanima natiã nũ unãti wariatiruki, hatu daewakĩ pewakinã. Kashinawa : Diosun Jesúswen taexun yuba bena yiniki Diosun nai tsumabun jawada chakabuwanibu nun jatu unanti waxanaiwen taexun Jesús ikunwainbu ja ikaibu chanima natian nun unanti wadiatiduki, jatu daewakin pewakinan. |
hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.
Haska tibi kaĩshanaiwẽ taea matũ huĩtinĩ kemu betsa betsapa mekĩ kaneama uĩrashãkãwẽ. Hawara txakabu aki huĩti kuxiyamashãkãwẽ. Eskairã, paẽawẽ inũ hawara matũmebi mã haska xinaĩwẽs besti dabanã iki huĩti nixmayamakubaĩshãkãwẽ. Mã haskai hiweabũ yurabu mai hirabi anu ẽ hatu unãti watanũ ika huaya birũ merã hikitã kebẽmana keskama Deusunabu mã pashashanaii.
Ha inũ, heshe betsa musha anu niri ikarã, habũ Deusũ hãtxa abubiai hatũ hiweawẽ nui inũ mabu betsa betsapawẽ kemutxakayamai hayakatsis ikĩ hatũ hatu yabua Deusũ hãtxa nĩkabiai tapĩkatsi ikama unãshubira henekubaĩmisbuki, yurabu mibã bimiuma keskabuirã.
Yura betsã yura betsa tsumawamakĩ inã hanushũ hawẽ shanẽ ibu ha besti hau dayashũkĩ hawẽ yunua besti ashũmisrã, mã unaiĩ. Hakia habiaskari wakĩ matũ txakabũ matu tsumawakẽ haskai ha txakabu txibaĩ mã hawẽ mawa kayabi mã benushanaii. Hakia haska binumakĩ Deus mã nĩkakĩ txibaĩ hawẽ haibuaibu matu wakĩ hiwekuĩmakĩ hawenabu matu washanikiki.
Deusũ Moisés yuia kenekĩ: “Huni hawẽ aĩbe hiwearã, yura bestitxai keskatiki”, akĩ haska keneniwẽ taeshũ tsuabũra aĩbu betsa ati wai habe yura bestitxai keskakĩ hawena wamiski. Hakia nũ Cristõ enabubia nukũ yura habe neshebia henetã ana nukũ yura betsa ibu wamakĩ neshenũ ika atibe nesheirã, ana haskakubaĩyamakãwẽ.
Haska ikũwãbumã xinãmis mã danãmiswẽ taeshũ mã ha ikaibu hau matu unãti wakĩ merabewanũ ana ikũwãbuma anu kai hatuki ana txiti iyamakubaĩkãwẽ.
Uĩwẽ. Txanima soldado unãnepatũ hawẽ shanẽ ibũ yunua besti dayashũkatsi hawa hamebi hawẽ xinãnẽ abuai atirumaki, hawẽ shanẽ ibu besti benimawanũ ikarã.
Demas hawẽ hiweawẽ besti inũ mabuwẽ kemukĩ ea henebaini Tessalônica mae ewapa anu kaxiãki. Crescente Galácia mai pakea anuri kariaxinaki. Tito Dalmácia mai pakea anuri kaxiãki.
Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.
Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.