1 Coríntios 6:15 - Kaxinawá Bíblia (BR)

^15-16 Deusũ Moisés yuia kenekĩ: “Huni hawẽ aĩbe hiwearã, yura bestitxai keskatiki”, akĩ haska keneniwẽ taeshũ tsuabũra aĩbu betsa ati wai habe yura bestitxai keskakĩ hawena wamiski. Hakia nũ Cristõ enabubia nukũ yura habe neshebia henetã ana nukũ yura betsa ibu wamakĩ neshenũ ika atibe nesheirã, ana haskakubaĩyamakãwẽ.

Kashinawa : Diosun Jesúswen taexun yuba bena yiniki

^15-16 Diosun Moisés yuia kenekin: “Juni jawen ainbe jiweadan, yuda bestichai keskatiki”, akin jaska keneniwen taexun tsuabunda ainbu betsa ati wai jabe yuda bestichai keskakin jawena wamiski. Jakia nun Criston enabubia nukun yuda jabe nexebia jenetan ana nukun yuda betsa ibu wamakin nexenun ika atibe nexeidan, ana jaskakubainyamakanwen.

1 Coríntios 6:15 Referencias Cruzadas

Gênesis 44:17

José kemakĩ: —Ẽ matu haska wamahairaki. Ha hatũ sakukia kẽtxa ẽ tsumapã betxishu ha besti ẽ dayaru escravo ẽ waii. Hamẽ maturã, unanuma matũ epã hiwe anu burikãwẽ, tsuã matu hawawamakirã— hatu wabia

Lucas 20:16

Bai ibu kashũ hatu kupiriakĩ dayakapabu hatu tenã keyutã hanushũ dayakapa betsabu hawẽ bai hatu yunushanikiki— hatu wai nĩkai e itã yuikĩ: —Hau hatu haska wayamashanũwẽ— ikaibu

Romanos 12:5

Haska keskari nũ yura itxapabubia Cristoki dasia nũ yura bestitxai keskaki, nũ habũ Cristo dayashunai pabu betsa tibibia nũ habias yura bestitxai keskabuki.

Romanos 3:31

Haskakẽ tsuabũra Jesus ikũwãtã hawẽ yunuti inũ hawẽ nemati betsa wakĩ nũ maewamaki. Habiawẽ nũ matu yusĩkubainaii. Hakia ha kene hatu yusĩni unãkĩ haska Deusũ nuku pe hiwemakatsis ikai shabakabi nĩkakĩ nũ mestẽwaiĩ, hari Deusũ hãtxa haya betsa wamarã.

Romanos 3:6

ẽ Paulõ kemakĩ: “Haskatirumahairaki. Deusũ yurabu kupikinã, kanetirumaki. Haskawẽ taeshũ Deus pepa bestiwẽ taeshũ yura dasibi mai hirabi anu maniabu hatu unãtã habũ txakabu inũ habũ pepawẽ hatu kupikĩ keyushanikiki”, aka

Romanos 6:15

Haskai hariri hãtxamisbumẽ? eska yuirã: “Haskakenã, Deusũ nukũ shenipabu hawẽ hãtxa yusĩnitũ nuku ana tsumama hakia hawẽ bake nũ ikũwaĩwẽ taeshũ nuku duawakĩ nukũ txakabu buashanairã, nũ txakabuwairã, hawamaki. Hamapai txakabu betsa betsapa anãkãwẽ”, iki mã yuinamemisrã, haskatimahairaki. Matu yusĩnũ nĩkakãwẽ.

Romanos 6:2

ikĩ haskakiri xinaĩ hãtxatimahairaki. Hakia tsuara ma mawa maiwabu ana txakabuwatirubuma keskakĩ Satanásã parãti hãtxa txibãma dasibi nũ Jesus Cristo txibaĩbũ nukũ txakabu henetã nũ ana txakabuwẽ hiwekũkaĩtirubumaki.

Romanos 7:13

Ha yusĩa pepa hawẽruabiatunã, ea mawa kayabi anu iyuairã, pemẽ? Haskamahairaki. Ha ẽ txakabu amisrã, haska txanima shabakabi kayabi ẽ txakabu tashnikĩ txakabũ ea parãkĩ yabutã ea kanemakĩ hatũ ea tenã keska waniki. Ikũki. Hawara Deusũ abuama nemani aki nũ txakabumisrã, harã, pemahairaki. Txakaburã, Deusunamaki. Haskarã, danãmiski.

Romanos 7:7

Haskakẽ nũ xinãkĩ yuiairã: “Deusũ yunuti inũ hawẽ nemati hawẽ txakabukĩ danãmatimẽ?” Haskamaki. Haska Deusũ Moisés hawẽ yunuti inũ hawẽ nemati kenemabianikẽ hawẽ yusĩa ẽ nĩkaisma txakabu hakiri ẽ tapiãma ikeaniki. Hakia Deusũ nukũ shenipabu yusĩkĩ: “Hawara yura betsana xinaĩ hawẽ kemuyamakãwẽ”, ini ha ẽ tapiãma hawẽ kemuti txakabu ẽ unãma ikeaniki, kemu Deusũ nemabianikenã.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

1 Coríntios 12:27

Hamẽ matu dasibi mã yura betsa tibibiakẽ Deusũ Yushĩ Pepatũ meribi tibi matu kuxipa waya daya betsa betsapa Deusũ matu yunuakeakearã, mã habias Cristõ yura keskabuki.

1 Coríntios 6:13

Hamẽ betsarã, piti pikĩ yaniwai nũ hiwenũ Deusũ piti nuku washuniki. Ha inũ, nukũ haturã, haki piti nanekĩ nũ yaniwa hiwenũ nukũ hatu nuku washuniki. Habiaskabiakẽ betsatianã, piti inũ nukũ hatu ha dabe yama washanikiki. Haska inũ, nukũ yurarã, eskaki. Nĩkakãwẽ. Nukũ yurawenã, hawẽ hamapai betsa betspabube txutanametima Deusũ nuku waniki. Hakia nukũ Shanẽ Ibu Jesusunaki, nukũ yurarã. Na nukũ yurawẽ nukũ Shanẽ Ibu nũ dayashũtiruki.

1 Coríntios 6:17

Haskawẽ taea nukũ Shanẽ Ibube nukũ yushĩ nũ neshea hawẽ xinã nũ hayarã, habe pe hiwekubainãkãwẽ.

1 Coríntios 6:3

Deusũ nai tsumabũ hawara txakabuwanibu nũ hatu unãti washanaiwẽ taeshũ Jesus ikũwaĩbu ha ikaibu txanima natiã nũ unãti wariatiruki, hatu daewakĩ pewakinã.

Gálatas 2:17

Hamẽ nuku ikirã, Moisés yusĩa txibaĩ nũ txakabu iyunibuki. Haskawẽ taeshũ ẽ mia yuiairã, Cristõnã, nuku txakabu amaismaki, txanimarã. Haskakẽ nũ pepakatsis ikĩ hatu unãti wamairã, hau nuku unãti wanunũbũ Cristowẽ taea besti nũ pepatirubuki.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Efésios 4:12

Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.

Efésios 5:23

Haska inũ, Cristo mã ikũwaĩburã, Cristorã, matũ bushkaki. Maturã, mã hawẽ pabuki. Matũ bushka matũ mekenikaki. Habiaskari mã aĩbu beneyaburã, matũ benerã, matũ bushkaki, hatũ matu mekemisrã.

Efésios 5:30

hawẽ yurakenã. Nukuburã, ha yurakirã, nũ hawẽ pabu tibiki.

Colosenses 2:19

Ha habu haskamisburã, Cristorã, hatũ bushkamaki. Hamẽ nukuburã, nukũ bushkarã, Cristoki. Haskakẽ nukũ yura ewakaini pitiwẽ nũ kuxipamis keskariai habũ nukũ Shanẽ Ibu Cristo ikũwaĩburã, pabu tibi haki dasikĩ nũ ewawairã, hawara nũ unãriama tapĩmakĩ haska Deus yubakani Cristõ haska xinãkĩ nuku amaikiki.