Mateus 5:4 - Kashinawa : Diosun Jesúswen taexun yuba bena yiniki —Ja inun, tsuabunda jatun juinti nishma kaxakatsis ikaibuwen taexun Diosun jatu shinan chankanwan benimapaketi shinain benimakubainkanikiki. Kaxinawá Bíblia (BR) —Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki. |
Abrahamnen yuikin: “Baa, eskaki shinanwen. Min jiweadan, jawa bika teneama mabujaidaya min jiwekunkainimaki. Min jaskaya Lázarodan, nuitapakin isin chakabu besti tenei jiwekunkainimaki. Jakia natian Lázaro Diosun duawakin mia kupiaiwen taea min nuitapaii.
Ja inun, tsuabuda jawada pepa besti bechipai chakayamai jawen nuijaidaiwen kupikin Diosun jatu yaniwama keska waxanaiwen taea benimapaketi shinain benimakubainkanikiki. Ja inun, tsuabunda matun chakabu shinain juinti nishma man kaxakatsis imisbuwen taexun Diosun matun juinti shinan chankanwan man benimakunkainmiski.
Ja inun, tsuabuda yaushikin piti yani bestiwatan man benimakubainaibu ana tsuan matu medabewakin matu duawabuma buni tenei man nuitapajaidaxanaii. Ja inun, natian tsuabunda Dios shinanma matun jamapai besti shinain man usanmis ana jaskama matun juinti nishma kaxai man nuitapajaidaxanaii.
june Jesúsun tae dapi danti itan jawen chakabu shinain juinti nishmajaida june kaxakin jawen beun jene besti Jesúsun tae pechiki tuis tuis axun jawen bu chaipawen jutekede atan jawen tae petsu petsu akin keyutan xeni jenewen jawen tae cha akaya Jesúsun unanbiakin uianmaken
jaskabiabun ainbu Jesúsun ana yuikin: —Min ea ikunwainwen taexun min chakabu min ma bextekei pexuki. Ana jawa dakei dateama unanuma inun kadiwe— anikiaki.
Tsuabunda ikunwain bika betsa betsapa tenebiai babuama binukubainmisbu Dios jatuwen benimakin jatu manakukin jaska jabun Dios bechipaimamisbu jaskabu jatuki Dios yubakai jiwekuian jatuki tanani jatu jawen manakuxanikiki, maiti sawemakin akawakinan.
Jaskawen taea jabu kaxamisbu jatun beun taxka watan ana mawa jayama inun, ana sain ikama inun, kaxa jayama inun, isin jayama dasibi jaska Diosun jawen bika jiweti wani bextekin ana ja jayama waki”, ikaya