Mateus 5:21 - Kashinawa : Diosun Jesúswen taexun yuba bena yiniki

ana jatu yuikin: —Moisin nukun xenipabu yusinkin: “Sinatakin juni betsa deteyamakanwen. Jaskabiaken juni betsaki sinatakin man deteken xanen ibubu ichaxun jaska jadi unantan jau kupixanunbunwen”, axun keneniki.

Kaxinawá Bíblia (BR)

ana hatu yuikĩ: —Moisés nukũ shenipabu yusĩkĩ: “Sinatakĩ huni betsa deteyamakãwẽ. Haskabiakẽ huni betsaki sinatakĩ mã detekẽ shanẽ ibubu itxashũ haska hari unãtã hau kupishanũbũwẽ”, ashũ keneniki.

Mateus 5:21 Referencias Cruzadas

Mateus 5:27

ana jatu yuikin: —Jaska inun, betsadan, Moisin nukun xenipabu ana yusinkin: “Juni betsan ain chutanyamakanwen”, axun keneniki.

Mateus 5:33

—Jaska inun, betsadan, Moisin nukun xenipabu ana yusinkin: “Jawadakidi yubakakin yuikin: ‘En yubakai en akamaken jau Diosun ea kupixanunwen’, ikama padanma Dios benimawakin axunkubainxankanwen”, axun matu kenexuniki.

Mateus 5:38

ana jatu yusinkin: —Moisin nukun xenipabu ana yusinkin: “Miki sinatakin mia detekin min bedu kasmai min xeta kasmai jadatuda matu chakabuwabu xanen ibu min yuia jabianudi manakukin jau mia jatu kupixunxanunwen”, axun keneniki.

Mateus 5:43

ana jatu yuikin: —Jaska inun, betsadan, matun yusinanbun Diosun jancha matu yusinkin yuikin: “Matunabuwen besti nuikubainkanwen, nawabu matuki sinatamisbu bechipaiamadan”, akin matu yusinmisbuki.

1 João 3:15

Tsuada ikunwainbu betsawen nuiama dakekenanmisdan, juni pubenki. Ja juni jaskabudan, jamebi jatun jiwekuian jayatiduma man unaiin.