Mateus 24:15 - Kashinawa : Diosun Jesúswen taexun yuba bena yiniki

Jaska man unanxanun ja Dios danantan chakabu kenwainbukidi Diosun jawen jancha yuixunika Daniel yuia ninkatan bebunkidi keneni matu yusinun ninkakanwen— iwanan, ea en Mateon matu kenexunai tsuanda na jancha uinkin tapinkanwen, eska Jesúsun ana yuikubainkin: —Danielin jaska waken Templo jemaintin anu jaska Diosun dananmis ja dami itsa taxnia nia bechitan

Kaxinawá Bíblia (BR)

Haska mã unãshanũ ha Deus danãtã txakabu kẽwaĩbukiri Deusũ hawẽ hãtxa yuishunika Daniel yuia nĩkatã bebũkiri keneni matu yusĩnũ nĩkakãwẽ— iwanã, ea ẽ Mateũs matu keneshunai tsuãra na hãtxa uĩkĩ tapĩkãwẽ, eska Jesusũ ana yuikubaĩkĩ: —Daniel haska wakẽ Templo hemaĩtĩ anu haska Deusũ danãmis ha dami itsa tashnia nia betxitã

Mateus 24:15 Referencias Cruzadas

Mateus 24:16

ja Judea anuxun ikunwainbu ja mati keyatapa anu jau paxaxanunbunwen.

Marcos 13:14

Jaskaken ja ichakanikakidi Diosun Daniel yuia keneni tsuanda ja yuikin unanmisdan, ja ichakanika taxnia Templo medan nia man bechiaya ja Judea anuabu mati keyatapa anu jau paxaxanunbunwen.

Lucas 19:43

Jaskaken Dios matu anu bai juai man jawa ikunwanmawen taea matuki sinatamisbun matu ichakawakin matu nuitapawakin matun mae dapi mai kene keyatapa wabaunkin matu keben keyutan man ana kaintiduma watan matuki sinataibun matun maewan mishki kene nidi akin keyukin matu inun matun bakebu detekin matun mae yamawaxankanikiki, jawa texe wamadan— ikunkaini Jerusalén anu jikitan

Lucas 21:20

Ana betsadan, nawa soldadobu Jerusalén mae kexebaunabu uinkin jawaida jatu yamawaxanaibu man unanxanaii.

João 11:48

Nun nemama nuku jenekin keyutan dasibibun ikunwain jaki chiti iki keyutidubuki. Jaskaibun romano xanen ibubun jatun soldadobu midima bexun nukun Templo inun nukunabuya nuku yamawaxankanikiki— ikaibun

Hechos 21:28

jancha kushipawen jatu yuikin: —Israelbuun, nuku medabewai bekanwen. Na juninan, mae tibi anuxun yudabu jatu yusin chakakin nukukidi inun, Moisin yusinikidi inun, na nukun Templokidi jau shinan betsa wanunbun jatu yuikubaunmiski. Ja dikabi nukun Templo anu griegobu jatu iwexun nukun Templo medibi ma jatu atimapa wamaikiki— ikinan,

Hechos 6:13

januxun jau Estebankidi chani chakatanunbun padan jancha katutan juni betsabu jatu padanmakin yuimakin: —Na juninan, nukun Templokidi inun Moisin nuku yusini janchakidi yuain janchai jeneama nun ninkaii.

Hebreus 2:1

Diosun baken nai tsumabu binuatun jamebi jatu yusini jaskakidi jancha nun ninkanidan, ana jakidi ninkajaidakubainankanwen, ja jenetan bai betsawen nun buyamanunbunan.

Apocalipse 1:3

Tsuabunda na en jancha jatu yuiaibu inun jabun na jancha ninkatan: “Chanimaki”, ikin chibankubainxanaibudan, Diosun jabu benimawaxanikiki, jaska inunbadiai chanini ma jamapai taxni taeai uinan.

Apocalipse 3:22

Man pabinkiyabunan, Yushin Pepatun ja man ichamisbu matu yuiai ninkakanwen’ ”, ea waxu en matu kenexunaii.