Lucas 23:34 - Kashinawa : Diosun Jesúswen taexun yuba bena yiniki

meneabun soldadobukidi Jesúsun yuikin: —Epaan, ea jaska waibudan, jawa jatu kupiyamawe, jawa unanma iki ikanikikidan— ikaya januxun soldadobun jawen beyustiwen maemanankin jawen tadi paxkanun iwanan: “¿Tsuan dukun jawen tadi bimenkain? Akanwen”, ikaibun

Kaxinawá Bíblia (BR)

meneabũ soldadobukiri Jesusũ yuikĩ: —Epaã, ea haska waiburã, hawa hatu kupiyamawe, hawa unãma iki ikanikikirã— ikaya hanushũ soldadobũ hawẽ beyustiwẽ maemanãkĩ hawẽ tari pashkanũ iwanã: “Tsuã dukũ hawẽ tari bimẽkaĩ? Akãwẽ”, ikaibũ

Lucas 23:34 Referencias Cruzadas

Mateus 11:25

janua Jesús shinan chankain benimakin yuikin: —Epaan, nai inun mai jidabi minaski. Min duapa jancha ja unanepai kenmisbu min jatu unanmama jabu keinsbuma besti min jatu unanmakubainaiwen taexun en mia kenwaiin— iwanan

Mateus 11:26

—Epaan, chanima jaska wakatsi mekenixun min ma jatu unanmaii— itan yuda betsabu mapuxun ninkaibun

Mateus 5:44

Jakia eanan, jancha betsawen en matu yusiaiin. Matuki sinataibu jatuki sinatama jatuwen nuikubainxankanwen. Ja inun, matu ichaibu inun matu ichakawaibu jatu dananma medabewakin jau Diosun jatu duawanun yukaxunkubainxankanwen.

Marcos 15:24

ma badi jui nai puchinin dakaken Jesúsun tadi peka keyutan mastaxun cruzki nichintan soldadobun shinankin yuikin: —¿Tsuan jawen tadi tibi biainmenkain? Akanwen— ixun jawen beyusti putapakekin jawen tadi paxkatan

Lucas 22:42

yuikin: —Epaan, jamapai dasibi min atidu en unaiin. En mawayamanun min nematidubia en shinain keska ea akama min shinanen besti ea axanwen— ikaya

João 17:9

Jamen enabudan, en mibe jatu janchaxunaii. Jakia ea ikunwanbumakidi en mibe jatu janchaxunamaki. Ja inun, mina watan min ea yununidan, jadan minabuki. Jaskawen taea dasibi enadan, minaki. Janua minadan, enadiki. En kushipa jatu medanua uinxankanikiki.

João 19:11

jaska yuiai ninkatan atimas Jesúsun kemakin: —Diosun dasibi damiwanitun mia kushipa yunuama ekidi min kushipa jayama ikeanaii. Jaskaken jabun ea achixun mianu yunuxun ea nichianbunan, jabun chakabudan, mina binuabuki, Dios sinatamakinan— aka

Hechos 16:28

jawaida Pablon jui kushipawen yuikin: —Mimebi ibubis chakabuyamawe. Nuku dasibi nun jani kamaki— ikaya

Hechos 3:17

—Enabuun, Jesús ikunwankatsi ikama jawen kushipa unankin kayati wakin tapindiamabia matun xanen ibububetan ja juni unanma man tenainma chanima en unaiin.

Hechos 7:60

janua danti ika dakaxun bis ikin jui kushipawen ana yuikin: —Xanen Ibuun, na ea chakabuwaibuwen taexun jatu kupiyamaxanwen— atan di iki mawanikiaki.

Romanos 12:14

Ja inun, tsuanda matu ichakawaibu jabiaskadi ana shinanma jatukidi pe besti yuikin jatu jancha wakubainkanwen. Jaska wakin pepakidi Dios jatu yukaxunkubainkanwen, chakabukidi yupukin Dios jatu yukaxunamadan.

1 Coríntios 2:8

Na jaska xanen ibubun Diosun jatu unanmadan, jaska shinankin nukun Xanen Ibu mastama ikeanibuki. Jakia jawa xabakabi shinanbumawen taexun nukun Xanen Ibu kushipa duapa cruzki nuku mastaxunkin shinanma kanekin itsa wanibuki.

1 Coríntios 4:12

Jaska tenebiai nukun mekenen dayai nun jeneismaki, babuamadan. Nuku yupukin xuun abiaibun nukun jatu kemakinan, pewen besti nun jatukidi xuun amiski. Nuku ichakawakin bika tenemabiaibun nun jawa yuiama tenemiski.

1 Timóteo 1:13

Ja dukunan, Jesucristokidi chakabu yui jaki xechakakin ja ikunwainbu danankin en jatu ichakawayuniki. Jaskati dabanen Jesucristo en ikunwandiama jaska en shinain inun jaska en akubainai Dios en benimawai dabanen en ibiaya ja en kaneaiwen taea Dios ewen nuichakayamaniki.

1 Pedro 3:9

Ja inun, matu chakabuwabu jatubebis ana chakabuwama inun matu ichabu jatubebis ana manakunain ichakananma ikubainkanwen. Jakia matu duawakatsi Diosun matu katuniwen taexun matu ichakawabiaibun ja shinanma pepakidi besti jatu yuikubainkanwen, jau Diosun jatu medabewakin duawadiakubainunan.