João 10:6 - Kashinawa : Diosun Jesúswen taexun yuba bena yiniki

chaxuwan miyuikidi jancha juneawen Jesúsun jatu yuikin jatu yusinpaia tsuan ninkabumajaidawen taexun

Kaxinawá Bíblia (BR)

txashuwã miyuikiri hãtxa huneawẽ Jesusũ hatu yuikĩ hatu yusĩpaia tsuã nĩkabumahairawẽ taeshũ

João 10:6 Referencias Cruzadas

Mateus 13:34

Ja xanen ibutan jaska janchanunbadiaikidi jawen jancha yuixunika Diosun yuikin: ‘Mai jidabi en damiwani anua jawada ean junenixun en jatu unanmaisma miyui betsa betsapawen yusinkin en jatu kainmaxunxanaii’, aka ninkatan nuku kenexuniki. Jabias Diosun yuini keska wakin miyui betsa betsapawen Jesúsun yudabu yusinkin jawa miyuimawen yuiama miyui bestiwen jatu yusin chanikunkainiki.

Mateus 13:51

Na eska miyuiwen en matu yusianan, ¿man ninkai?— nuku wa —Jaa, nun ninkaii— nun akeakea

João 16:25

januxun ana nuku yusinkin: —Jancha junea miyuiwen en matu yusinkubidanshinaki. Jakia ana jancha juneawen yusianma janu xabakabi en matu unanmaxanai ma kemaikiki. Jaskakainshinxun en Epa Dioskidi janu xabakabi kayabi en matuki chanixanaii.

João 16:29

januxun jawen tsuma betsan yuikin: —Chanima na jabiatian xabakabi nuku yui ana miyui jancha juneawen min janchamaki.

João 6:52

ninkama e itan judio xanen ibubu jancha tibiwen yuinamei ja ikaibun: —¿Jaskakin nun pinun jawen nami nuku inantidumen? Juni kuinen namidan, nun pitaskatidumaki— ikaibun

João 6:60

jawen jancha ninkatan Jesúski chiti ikabu ichapabu yuinamei: —Na jaska yuiaidan, bikaki. Tsuan jaska chibankin axuntidumaki— ikaibun

João 7:36

Na jaska yuiaidan, jaskada shinain ikimenkain: “Janida en kai anu man unanmabia ea benakin ea bechiama man ixanaii, man jadi katidumawen taeadan”, ikai nun ninkaidan— ikin shinanibukiaki.

João 8:27

jawen Epa Dioskidi Jesúsun yuiai jawen jancha ninkabiai jawa tapianbumaken

João 8:43

¿Jaskakin man ea ninkakin pewakatsi ikabumamen? Matu yuinun ninkakanwen. En janchadan, pata keskatun en jancha man tapin pewabumaki.

1 Coríntios 2:14

Jaskawen taea jabu Yushin Kayabi jayamadan, Diosun Yushin Pepatun Jesúskidi chaniai dananmisbuki, tatimakin jakidi shinankatsi ikamadan. Jaska inun, jaska Diosun Yushin Pepatun bechipaiai jatun shinan unanti wai ninkatidubumadiki.

2 Pedro 2:22

Ja pananananmisbu jaskakidi jatu yuini chanima jabiaskakanikiki. Uindakanwen. “Kaman janantan chintunkidan ana jawendi pimisbuki. Ja inun, ina yawa pupusjaida dachukin xunpinwanbiabu ana chintunkain pupuski idumai ana jawen meweki pukumiski.” Jaska en matu yuiai keskakanikiki, chakabui ana pikuidan.

1 João 5:20

Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.