Hechos 3:24 - Kashinawa : Diosun Jesúswen taexun yuba bena yiniki

Moisés besti jaska jakidi chaniama jakia jawen jancha yuixunika tibi Diosun jatu yuimakin Samuelwen taewakin jaska Diosun jawen bake yunuxanaikidi yusiin jabudi chanikubainibuki.

Kaxinawá Bíblia (BR)

Moisés besti haska hakiri txaniama hakia hawẽ hãtxa yuishunika tibi Deusũ hatu yuimakĩ Samuelwẽ taewakĩ haska Deusũ hawẽ bake yunushanaikiri yusĩ haburi txanikubainibuki.

Hechos 3:24 Referencias Cruzadas

Lucas 24:27

Diosun Moisés yusian keneniwen jatu yusin taewakin Diosun jancha yuixunikabu dasibibun yusian janchawendi Jesúsun jatu yusinkin jatu unanmakubainaya

Hechos 13:20

ja jabu jaska wakubidankin 450 año nichiin bikanibukiaki. Jau jatu medabewayunun mekenikabu besti wakin Diosun jabu yunukubainmis jawen jenea Dios janchaxunika Samuelin jatu mekediaya

Hechos 17:3

—Diosunan, jawen Mesíasdan, jau mawayuxanun yununiki. Mawatan ana bestenxanikiki, akin jakidi kenenibudan— akin Pablon jatu yusin pewatan ana jatu yuikin: —Ja Jesúskidi matu yui en chanikunkainaidan, Diosun Katua Mesías Cristoki— jatu wa

Hechos 26:23

yuikin: “Mesíasdan, nuitapatan mawai kaikiki. Janua ja dukun mawa bestenkaina ja dukun nuku bebunxuni kaikiki. Jaskashinxun nun judiobu inun judiobuma jawen paxati bai xaba kayabi ibubis Mesías chani kaikiki”, inibu jabiaskadi jaskakidi en jatu yusinkubainmiski— akaya

Hechos 3:19

Jaska shinanma Dios man chibankatsis ikaidan, matun chakabu jenetan matun shinan betsa watan Dios anu bedikanwen, jau matun chakabu matu buaxununan.

Hechos 3:21

Janua natianan, Jesúsdan, naiudi kayuimaki. Jaudixun Diosun mai anuabu jawen jatu pewamakin keyumakin manakamayuikiki, jaska jawen jancha yuixunika medibibu jiwexun nuku kenexunpaunibu keska wamayukinan.

Romanos 3:21

Eska wakin Diosun yudabu pepawamis xabakabi jatu uinmani matu yusinun ninkakanwen. Judiobu inun judiobumadan, tsuabunda Jesucristo ikunwain nukun chakabu jatun nuku buaxuniken: “Jaska Diosun bebunkidi yubani tsuabunda nun ikunwainbu besti chakabu jayama pepabuki”, ikin Diosun nukukidi pe shinanmiski. Jaskakidi Diosun jancha Moisin keneni inun Diosun jancha yuixunikabun kenenibudan, jabiaska dabes shinan jakidi kenenibu kaneama ini uintidubuki.