Hechos 3:24 - Kaxinawá Bíblia (BR)

²⁴ Moisés besti haska hakiri txaniama hakia hawẽ hãtxa yuishunika tibi Deusũ hatu yuimakĩ Samuelwẽ taewakĩ haska Deusũ hawẽ bake yunushanaikiri yusĩ haburi txanikubainibuki.

Kashinawa : Diosun Jesúswen taexun yuba bena yiniki

²⁴ Moisés besti jaska jakidi chaniama jakia jawen jancha yuixunika tibi Diosun jatu yuimakin Samuelwen taewakin jaska Diosun jawen bake yunuxanaikidi yusiin jabudi chanikubainibuki.

Hechos 3:24 Referencias Cruzadas

Lucas 24:27

Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya

Hechos 13:20

ha habu haska wakubirãkĩ 450 ano nitxiĩ bikanibukiaki. Hau hatu merabewayunũ mekenikabu besti wakĩ Deusũ habu yunukubaĩmis hawẽ henea Deus hãtxashunika Samuelĩ hatu mekeriaya

Hechos 17:3

—Deusunã, hawẽ Messiasrã, hau mawayushanũ yununiki. Mawatã ana bestẽshanikiki, akĩ hakiri keneniburã— akĩ Paulõ hatu yusĩ pewatã ana hatu yuikĩ: —Ha Jesuskiri matu yui ẽ txanikũkainairã, Deusũ Katua Messias Cristoki— hatu wa

Hechos 26:23

yuikĩ: “Messiasrã, nuitapatã mawai kaikiki. Hanua ha dukũ mawa bestẽkaina ha dukũ nuku bebushuni kaikiki. Haskaxĩshũ nũ judeubu inũ judeubuma hawẽ pashati bai shaba kayabi ibubis Messias txani kaikiki”, inibu habiaskari haskakiri ẽ hatu yusĩkubaĩmiski— akaya

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Hechos 3:21

Hanua natianã, Jesusrã, naiuri kayuimaki. Haurishũ Deusũ mai anuabu hawẽ hatu pewamakĩ keyumakĩ manakamayuikiki, haska hawẽ hãtxa yuishunika meribibu hiweshũ nuku keneshũpaunibu keska wamayukinã.

Romanos 3:21

Eska wakĩ Deusũ yurabu pepawamis shabakabi hatu uĩmani matu yusĩnũ nĩkakãwẽ. Judeubu inũ judeubumarã, tsuabũra Jesus Cristo ikũwaĩ nukũ txakabu hatũ nuku buashunikẽ: “Haska Deusũ bebũkiri yubani tsuabũra nũ ikũwaĩbu besti txakabu hayama pepabuki”, ikĩ Deusũ nukukiri pe xinãmiski. Haskakiri Deusũ hãtxa Moisés keneni inũ Deusũ hãtxa yuishunikabũ keneniburã, habiaska dabes xinã hakiri kenenibu kaneama ini uĩtirubuki.

1 Samuel 2:18

haskabiaibũ Samuelĩ éfode tari mãyunepa yura putxinĩ kesua saweshũ bakeishtã Senhor Deus duawakĩ Deusbe hatu hãtxashunika shanẽ ibu Eli merabewakubainaya

1 Samuel 3:1

Elĩ yunua Samuel Senhor Deus dayashũkũkainaya habiatiãri haska tashnimakĩ Senhor Deusũ tsua hawẽtsaĩs hãtxa waisma inũ hatiraki tsuara shabakabi namai keskawẽ hatu uĩmakĩ hawẽ hãtxa hatu yuisma

1 Samuel 3:20

Israelĩ enabũ maiwã pakebukuã norte kesha betsa Dã anua inũ sul kesha betsa Berseba anu hiweabũ yuikĩ: “Samuel txanima Senhor Deusũ hãtxa yuishunika kayabiki”, iwanã, unanibukiaki.