Gálatas 1:5 - Kashinawa : Diosun Jesúswen taexun yuba bena yiniki

Jaskaken nukun Epa Dios kushipa jau kenwankubainunbunwen. Jaskakidan.

Kaxinawá Bíblia (BR)

Haskakẽ nukũ Epa Deus kuxipa hau kẽwãkubainũbũwẽ. Haskakirã.

Gálatas 1:5 Referencias Cruzadas

Mateus 28:20

Jatu jaska wakin jaska en matu yusinmis jau jabundi chibanunbun dasibi jatu yusian akeakexankanwen. Man jatu jaska waya eadan, janu na mai jidabi anu badi keyudiamatian dasibi man ea ikunwainbube dasitan badi tibi en matu medabewapakexanaii— nuku waniki. Jatiski, nukun Xanen Ibukidi en jancha chanimadan. Mateo

Mateus 6:13

Nuku mekekin jawen chakabuti tibi nuku kainmaxunyamawe. Ja inun, jawada chakabu tibi nuku nemaxundiakubainwen, atiki— atan

Lucas 2:14

“Mai anuxun tsuabunda jabun Dios chibankin duawamisbu Dios kushipajaidatun jau jatu unanuma jiwemanunwen. Jaskaken dasibibun Dios kushipa nai anua jau kenwandianunbunwen”, jatu watan

Romanos 11:36

Jaskaken betsa tukama tibi Diosun damiwanidan, jawenaski. Jawen kushipawen dasibibu maniabuki. Dasibibu ja jiweabuwen Dios benimakunkainxanun, iwanan, jabu tibi damiwaniki. Jaskaken kenwankin jeneyamakubainankanwen, Diosdan. Jaskakidan.

Romanos 16:27

Dios ja besti unanepajaida kenwankubainankanwen, niti ikamadan, jawen bake Jesucristowen taexunan. Jaskakidan. Jatiski, en janchadan. Pablo

1 Coríntios 8:13

Jaskakenan, eanan, ja nami betsa pikin en betsabu en kanematidu shinankinan, ana jatu kanemakatsi ikama ja nami en ana metidumajaidaki, jatu chakabuwakatsi ikamadan.

Efésios 1:12

Diosun nuku dukun katukinan, ja dukun nukun shinanwen Cristo nun manaxanunbun nukukidi shinanmati waniki, jaskawen taexun dasibibun jawen kushipa pepa nun kenwankubainxanunbunan.

Filipenses 4:20

Jaskaken nukun Epa Dios pepajaida duawakin kenwanankanwen, jeneamadan. Jaskakidan.

1 Timóteo 1:17

Janua Dios nun uintidumabia ja bestitun nuku mekei xanen ibujaidakunkaini niti ikama jiwemistun dasibi damiwani jeneama jau dasibibun kenwankubainunbunwen. Jaskakidan.

2 Timóteo 4:18

Chakabu dasibi nukun Xanen Ibun ea binumakubainkin janu xanen ibuai pepa jawendua nai anu ea paxawatan ea mekexanai en unaiin. Jaskaken niti ikama ja duawakin kenwanankanwen. Jaskakidan.

Hebreus 13:21

Diosun jaskakidi matu shinain yubakani jatun jau matu dasibi pewakubainunwen. Jabiaskadi wakin jaska bechipaiai keska wakin jau nuku amadiakubainunwen, Jesucristowen taexunan. Jaskaken nukun medabenan Cristo kenjaidawakubainankanwen. Jaskakidan.

1 Pedro 5:11

Ja nukun Dios xanen ibu kushipajaidadan, jau jabiaskas ikunkainunwen, niti ikamadan. Jaskakidan.

2 Pedro 3:18

Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro

Apocalipse 14:7

jui kushipawen yuikin: “Diosun nai inun mai inun ianenwan inun unpax chacha tibi damiwanitun yuda dasibi unanti watan na jabiatian jatu kupikin taewaikiki. Jaskaken menan jaki danti itan Dioski datekin kenwandikanwen”, ikainaya

Apocalipse 5:12

jancha kushipawen jabun yuikin: “Chaxuwan bake keska deteabu ana besteni pepa kayabidan, jatun besti bitiduki, kushipadan, pepa tibidan, unanepajaidadan, xanen ibu kushipadan. Duawai shinan chankain benimawakin nun ja kenwaiin”, ikaibun

Apocalipse 7:12

yuikin: “Nukun Epa Dios unanepa Xanen Ibu kushipajaidaki. Benimawakin jawenduawakin kenwankubainankanwen, niti ikamadan. Jaskakidan”, ikaibun