1 Pedro 2:7 - Kashinawa : Diosun Jesúswen taexun yuba bena yiniki Na jaska keneni keska tsuabunda ma ja mishki kushipa ikunwainbu matudan, man ja bechipaijaidaii. Jamen tsuabunda ja mishki kushipa ja ikunwanma danankubainkanikiki, ja keneni keska wakinan: “Mishki jiwe wanikabun ja mishki dananbiaibun jawen jiwe mestenwanti kayabi mishki pejaidaki, kushipadan”, aniki. Kaxinawá Bíblia (BR) Na haska keneni keska tsuabũra ma ha mixki kuxipa ikũwaĩbu maturã, mã ha abuhairaii. Hamẽ tsuabũra ha mixki kuxipa ha ikũwãma danãkubaĩkanikiki, ha keneni keska wakinã: “Mixki hiwe wanikabũ ha mixki danãbiaibũ hawẽ hiwe mestẽwãti kayabi mixki pehairaki, kuxiparã”, aniki. |
Jesúsun ana jatu yuikin: —Diosun jancha kenenibu ¿yuikin man uinsmamen? Matu ana yusinun ninkakanwen: ‘Jiwe wanikabun mishki dananbiaibun jabias mishki Diosun bixun dexun makedex wakin jawen kene mestenwan keska wakin nuku uinmakin jabaa! imakin nuku jadakidi shinantima waxanikiki’, axun keneniki.
Jadan, bin ewapa chaxa keska nawa betsa betsapabun uinkin minabu Israelbu min kushipawen min jatu duawai uindiaxankanikiki”, akaya
januxun Simeónen jatu yuikin: —Diosun jau matu duawakubainxanunwen— iwanan, María besti yuikin: —Na bakedan, jawen yuda Israelbu unanti wakatsi Diosun katuniki. Jawen yusian ninkatan jatiditun shinan betsa watan chibainbun inun jatiditun shinan betsa wama danankubainxankanikiki. Min bake danankin nupe kenujaidawen min juinti chachia keska wakin mia yumanwankin mia nuitapawaxankanikiki— anikiaki.
Jesúsun jatu beiskin yuikin: —Ja Diosun jancha Isaíasin kenenidan, ¿jaskada jakidi man shinanmismen?, eska yuinidan: ‘Jiwe wanikabun mishki dananbiaibun jabias mishki Diosun bixun dexun makedex wakin jawen kene mestenwan keska wakin nuku duawakin nuku axunxanikiki’, anidan.
ainbu yuikin: —Ja dukun min jancha besti ninkatan mia chibanbaini kaxun nun uinshinaki. Janua chanima kayabi ibubis nukunmebi jawen janchadi ninkatan Jesúsun yudabu dasibi Mekenika Mesías Cristodan, natian nun ikunwaiin— akabu
Xanen ibujaida Agripaan, jaska nun uinsma nai anua namai keska en uinshina chibanixun en chibankubainmiski, shinan betsa wamadan.
Israelbukidi yuimakin: “Juinti kushitan jatun besuwen dakeama ea ninkaisbumawen nuikin en jatu medabewapaibia ea ninkabumaki”, aka keneniki.
Jaska inun, jabun Dios danainbu Judea mai pakea anuabun jau ea meyamakubainxanunbun ea yukaxunkin Jesucristo ikunwainbu Jerusalén anuxun jau ja pei jatu ichawaxuinmabu danandiayamaxanunbun Dios jatu yukaxuindaxankanwen.
Jaska shinainbutunadan, nukun yusianan, ikunwanbuman nuku ninkamadan, atimapa yuda mawa pisi mayai keska xetekin aka wakanikiki, nuku danankinan. Jakia dasibibun nukun yusian ninkakin Cristo ikunwankin nukun yusian ininipa keska bechipaikin benukatsi ikama jaska niti ikama Diosbe jiwekuinxanaibu bikubainkanikiki. Jakia Cristokidi xabakabi yusian mesekenan, ¿tsuabunda nun shinan chakai, ja jiweakididan?
Cristo ma man jaki dasitan ikunwainbudan, Cristona dasibi man jayaki, Diosun jawen kushipa jabiasdi inaniwen taeadan. Ja dikabi yushin dasibi inun, nai tsuma pepa inun chakabu dasibi inun, xanen ibubu mai anua xanen ibujaidakin jatu binu keyuaki.
Nukudan, jabiaskadi jatu itsadi nukun shinan betsa wadiama jiwexun Dios chiban pewama benua keska nixun jamapai betsa betsapa mei kemui chakabun dayadui nun mapupaunibuki. Jaskai jiwea chakabui betsa jawada jaya uin jaska jayatima jawen kemui jatuki sinatai inun bechipainameama jatu danain inun betsabube danananainan.
Ja inun, jabianuadi Rahab ainbu jininipabia Dioski mesekin Israelin baba dabe unantinain buabu jatu itan medabewashinawen taexun chakabukubainmisbu Jericó anu jabe jiweabu jatu yamawakin Israelbun Rahab tenanma inibukiaki.
Jaskawen taea jawen juindukunti pepa anu jikixanun ika nukun medabenan Jesús chibain yumanbiai chintuntaskayamanankanwen, ja jabun jawen jancha ninkama nukun xenipabun dananibu keskakin jatu tanain jatu chibanyamanankanwen.
Jaska inun, Jesucristo uianma ibiani man bechipaijaidaii. Ja inun, natian uianma ibiani man ikunjaidawadiaii. Jaska benima pae man jaya janchawen besti ja benima pae tsuan jaska taxnimatidumaki.
Jesús jiwe mestenwanti mishki keska junibun dananbianibun Diosun bechipaijaidakin katuni bestibu tibi ja mishki jiwea pepa jaibu wai jaki ketaxamekubainkanwen.
Ja dikabi Diosun na eskakidi Isaías yuikin: “Jaki juti itan tin iti mishkiki, jawen jatu sinatamatidan”, ani keskadiai tsuabunda ja jancha jakidi kakape ninkatan chibankatsi ikama danain jaki juti itan jaki sinatai keskabu Diosun jabu kupixanikiki.